იტალიაში ქართველი სერიული მძარცველი დააკავეს. როგორც იტალიური გამოცემა Sulpanaro წერს, ქალაქ მოდენაში პოლიციამ 43 წლის ქართველი მამაკაცი დააკავა, რომელიც რამდენჯერმე იყო ნასამართლევი ქურდობისთვის. ამჯერად სამართალდამცავებმა ის სუპერმარკეტში აიყვანეს.

პოლიციის ინფორმაციით, მან სხვადასხვა სექციიდან პროდუქტები მოიპარა და თანხის გადახდის გარეშე გეგმავდა მაღაზიის დატოვებას. მარკეტის დაცვამ მამაკაცი გააჩერა და აღმოჩნა, რომ მას ჩანთაში სპეციალური სამალავი ჰქონდა მოწყობილი, რომელიც ალუმინის ფირფიტებით იყო გაწყობილი და შესაბამისად მაღაზიის დეტექტორებმა მოპარული ნივთები ვერ დააფიქსირეს. 

აღსანიშნავია, რომ მამაკაცი ისედაც შინა პატიმრობაში იმყოფებოდა და მას სახლიდან გასვლა მხოლოდ გარკვეულ საათებში შეეძლო. ამჯერად კი სასამართლომ მას ერთი წლითა და 4 თვით პატიმრობა მიუსაჯა

 

დატოვეთ კომენტარი

კომენტარები

Загрузка...