სა­ქარ­თვე­ლოს ბევ­რი მი­ლი­ო­ნე­რი არ ჰყავს, შე­სა­ბა­მი­სად ისი­ნი ყო­ველ­თვის ყუ­რა­დღე­ბის ცენ­ტრში იყ­ვნენ. ასე გახ­ლდათ ბი­ძი­ნა ივა­ნიშ­ვი­ლის შემ­თხვე­ვა­შიც, რო­მელ­მაც სა­კუ­თარ ქვე­ყა­ნა­ში სა­ხე­ლი თავ­და­პირ­ვე­ლად ქველ­მოქ­მე­დე­ბით გა­ით­ქვა, შემ­დეგ კი პო­ლი­ტი­კა­ში მო­ვი­და და ქვეყ­ნის პრე­მი­ერ-მი­ნის­ტრი გახ­და.

სა­ნამ პო­ლი­ტი­კა­ში გა­მოჩ­ნდე­ბო­და ბი­ძი­ნა ივა­ნიშ­ვი­ლის შე­სა­ხებ ძა­ლი­ან მცი­რე ინ­ფორ­მა­ცია იყო ცნო­ბი­ლი… ჯერ კი­დევ 15 წლის წინ ის ფო­ტო­ზეც კი არა­ვის ჰყავ­და ნა­ნა­ხი. 12 წლის წინ ივა­ნიშ­ვი­ლი პირ­ვე­ლად კადრზე ჟურ­ნა­ლის­ტმა გიგა მა­ქა­რაშ­ვილ­მა აღ­ბეჭ­და და ამას დიდი გა­მოხ­მა­უ­რე­ბაც მოჰ­ყვა.

ჟურ­ნა­ლის­ტი გიგა მა­ქა­რაშ­ვი­ლი სა­ზო­გა­დო­ე­ბის ყუ­რა­დღე­ბის ცენ­ტრში ბოლო პე­რი­ოდ­ში მისი სა­მო­ქა­ლა­ქო აქ­ტი­უ­რო­ბის გა­მოც მოხ­ვდა. ის თბი­ლი­სი­დან აფხა­ზე­თის სა­ზღვარ­ზე ფე­ხით ჩა­ვი­და და რუ­სე­თის მიერ, სა­ქარ­თვე­ლოს ოკუ­პა­ცია ამ ფორ­მით გა­აპ­რო­ტეს­ტა. 27 სექ­ტემ­ბერს გი­გას უამ­რა­ვი ადა­მი­ა­ნი შე­უ­ერ­თდა.

გიგა წარ­სულ­ში “პირ­ვე­ლი არ­ხის” ჟურ­ნა­ლის­ტი იყო და არა­ერ­თი წარ­მა­ტე­ბუ­ლი სი­უ­ჟე­ტის ავ­ტო­რიც არის. Ambebi.ge გი­გას და­უ­კავ­შირ­და დ 12 წლის წი­ნან­დე­ლი ამ­ბა­ვი გა­ახ­სე­ნა:

– სა­ი­დან გა­გახ­სენ­დათ? ეს ამ­ბა­ვი 12 წლის წინ მოხ­და. სა­ქარ­თვე­ლო­ში, ჯაზ-ფეს­ტი­ვალ­ზე ჩა­მო­სუ­ლი იყო Jamiroquai და მის კონ­ცერტს ვა­შუ­ქებ­დი. ისე­ვე რო­გორც ყვე­ლა ჟურ­ნა­ლის­ტი, მე და ჩემი ოპე­რა­ტო­რიც ფი­ლარ­მო­ნი­ა­ში პრე­სის შე­სას­ვლე­ლი­დან შე­ვე­დით. გა­რეთ რამ­დე­ნი­მე უცხო მან­ქა­ნა იდგა, მა­შინ­დე­ლი პრე­ზი­დენ­ტი მსგავ­სი მან­ქა­ნე­ბით არ სარ­გებ­ლობ­და. Jamiroquai-მ სცე­ნა­ზე გა­მოს­ვლა 40 წუ­თით და­აგ­ვი­ა­ნა, აღარ ვი­ცო­დი მო­წყე­ნი­ლო­ბის­გან რა გა­მე­კე­თე­ბი­ნა და დარ­ბაზ­ში სა­ინ­ტე­რე­სო ხალ­ხს ვათ­ვა­ლი­ე­რებ­დი. საპ­რე­ზი­დენ­ტო ლო­ჟა­ში უცხო მა­მა­კა­ცი შევ­ნიშ­ნე, ჩემს ოპე­რა­ტორს ვუ­თხა­რი გა­და­ი­ღეთ­ქო, თან ვკი­თხე ხომ არ იცო­და ვინ იყო…. ასე გა­და­ვი­ღეთ პირ­ვე­ლებ­მა ჩვენ ბი­ძი­ნა ივა­ნიშ­ვი­ლი.

– კონ­ცერტს მარ­ტო ეს­წრე­ბო­და?

– არა, მე­უღ­ლეს­თან და ბე­რას­თან ერ­თად იმ­ყო­ფე­ბო­და, რო­მე­ლიც მა­შინ ძა­ლი­ან პა­ტა­რა იყო.

– მა­შინ ბი­ძი­ნა ივა­ნიშ­ვი­ლი არა­ვის ჰყავ­და ნა­ნა­ხი, ხალ­ხმა მას­ზე უბ­რა­ლოდ რა­ღაც ის­ტო­რი­ე­ბი იცო­და, თქვენ რო­გორ იცა­ნით?

– ნამ­დვი­ლად ასე იყო, მაგ­რამ ჩემი ოპე­რა­ტო­რი მისი რა­ი­ო­ნი­დან გახ­ლდათ. როცა გა­და­ი­ღო და კად­რე­ბი “და­ზუ­მა”, მან იცნო. სხვა ჟურ­ნა­ლის­ტებს არც კი გა­ვუმ­ხი­ლე ეს ამ­ბა­ვი, ჩემი ექ­სკლუ­ზი­ვი იყო და მე­ო­რე დღეს “მო­ამ­ბის” მთა­ვა­რი გა­მოშ­ვე­ბა სწო­რედ ამ კად­რე­ბით და­ი­წყო.

წყარო: ambebi.ge

დატოვეთ კომენტარი

კომენტარები

Загрузка...