სვანეთის უბანი, კუკია, ვაზისუბანი,  ვარკეთილი,  მთაწმინდა,  რუსთაველი, ნაძალადევი,  სამგორი _ ეს იმ უბნების  არასრული ჩამონათვალია, რომლებსაც დღეს სასმელი წყალი არ მიეწოდება. მოსახლეობა  აღშფოთებას ვერ მალავს და  კომპანია „ ჯორჯია უოთერ ენდ ფაუერი“-სგან სასწრაფო რეაგირებას მოითხოვს, თუმცა, რა თქმა უნდა, ამაოდ.  სასმელი წყლის  შეძენაც კი სირთულეებთან არის დაკავშირებული, ვინიდან   დღის ბოლოს საუბნო სუპერმარკეტებში მარაგი ამოიწურულია. გაზიღიანებული ადამიანები  ფეისბუქპოსტებში  იმასაც აღნიშნავენ, რომ დღეს  სუპერმარკეტში „კარფური“  შენიშნეს, როგორ შემოჰქონდათ  გასაყიდად სასმელი წყალი, ოღონდ უკვე 40 ლიტრიანი შეფუთვით, რამაც მათში გამოიწვია გონივრული ეჭვი, რომ არსებული ვითარება მავანის ბიზნესმოგებაზეა ორიენტირებული.  მოსახლეობა აღნიშნავს იმასაც, რომ მსგავსი შემთხვევა პირველი არ არის, ამ ყველაფერს სისტემატიური სახე აქვს მიღებული და წყალი  კვირაში რამოდენიმეჯერ წყდება.

სოციალურ ქსელში ამტყდარ აჟიოტაჟს  მერიის ერთ-ერთი თანამშრომელიც გამოეხმაურა და განაცხადა, რომ იმ ხალხის აზროვნება, რომლებიც შექმნილი ვითარების გამო პრეტენზიას გამოთქვამენ, ლოკიგას მოკლებულია, რადგან  გავრცელებულ იქნა განცხადება წყლის შეწყვეტასთან დაკავშირებით, თან  დაამატა, რომ პრეტენზიები მერიასთან კი არა,  „ ჯორჯია უოთერ ენ ფაუერთან“ უნდა ჰქონდეს მოსახლეობას,  ვინაიდან ის არის  კერძო კომპანია და მსგავსი საკითხები მერას არ ეხება. საინტრესოა,  მაშ, რა  წარმოადგენს მერიის  საქმეს?  _  აღნიშნულმა კერძო კომპანიამ რომ მოისურვოს დედაქალაქის უწყლოდ დატოვება, ამისი შესაძლებლობა უნდა მიეცეს?  ან თუ, მერიის მოვალეობა არ არის ამ პრობლემაზე რეაგირება, ცისფერ ხალათში გამოწყობილი ბატონი დავით ნარმანია რაღას ესტუმრა გუშინ „ჯორჯია უოთერ ენდ ფაუერს“, ნუთუ, თავისი საკეთებელი საქმეებიდან  ყველა  ხუთიანზე  შეასრულა?!

ფაქტი ფაქტად რჩება, დედაქალაქის მოსახლეობა ნელ-ნელა შემოპარებულმა წყლის განიგმა ძალიან შეწუხა. სირცხვილია,  XXI საუკუნის საქართველო უწყლობას ებრძოდეს, ამიტომ მოგიწოდებთ ყველას, ვისაც ამ საკითხების მოგვარება გეხებათ, იქნება ეს მერია, ენერგეტიკის სამინისტრო თუ წყალმომარაგების  კერძო კომპანია, დროულად მოაგვარეთ ეს პრობლემა და მიეცით ხალხს საშუალება გონება მიმართონ უფრო ღირებულზე, ვიდრე სასმელი წყლის მოპოვება და ელემენტარული ჰიგიენური ნორმების დაცვაა.

პ.ს ვიზალიბერალიზაცია კარგია, მაგრამ ევროპაში დასაბანი თავით ჩასვლა… რა ვიცი…

მარიამ მახნიაშვილი

დატოვეთ კომენტარი

კომენტარები

Загрузка...