ვერტმფრენი, რომელშიც ტაჯიკეთის პრეზიდენტი ემომალი რახმონი იჯდა, მთებში სამი საათით დაიკარგა. ამის შესახებ ტაჯიკური მედია იუწყება.

ინციდენტი 28 მარტს მოხდა. ქვეყნის მეთაური ნავრუზის აღსანიშნავად პანჯიკენტში მიემგზავრებოდა, თუმცა დათქმულ დროს ადგილზე ვერ ჩაფრინდა. როგორც აღმოჩნდა, ცუდი მეტეოპირობების გამო, პილოტმა დაუგეგმავი დაფრენის გადაწყვეტილება მიიღო.

ამ ფაქტის მოწმე ერთ-ერთი ტაჯიკური გამოცემის ჟურნალისტი აღმოჩნდა. სწორედ მან აღწერა შექმნილი ვითარება, რომ დასაფრენი მოედანი მცირე სიღრმის ორმო იყო, რომლის განაპირას ორი პატარა ფიცრული იდგა. ეს ქოხები გზის სამუშაოების მწარმოებლებისთვის ერთგვარი თავშესაფარია. ადგილობრივები მალე შეიკრიბნენ ვერტმფრენის გარშემო. ერთი ქალი გზააბნეულ სტუმრებს ღვეზელებითა და ცხელი ჩაითაც გაუმასპინძლდა.

რამდენიმე საათი რახმონმა გზა ერთ-ერთი ადგილობრივი ადმინისტრაციული ხელმძღვანელის ავტომობილით განაგრძო.

დატოვეთ კომენტარი

კომენტარები

Загрузка...