რუსული სოციალური ქსელების აკრძალვას არ ემხრობა ეროვნული უსაფრთხოების საკითხებში ექსპერტი ბესო ალადაშვილი და აცხადებს, რომ ის კონტრპოდუქტიული იქნება. ამის შესახებ ალადაშვილმა “პირველთან” საუბარში განაცხადა.

მისი თქმით, “სოციალური ქსელი ხდება ჰიბრიდული ომის, ანუ ფსიქოლოგიური ზემოქმედების და დეზინფორმაციის გავრცელების ერთ-ერთი საშუალება, რასაც სპეცსამსახურები წარმატებით იყენებენ”.

“სოციალური ქსელების სრულიად აკრძალვა კონტრპროდუქტიული იქნება. უცილებლად უნდა იყოს კონტრპროპაგანდა გატარებული და დეზინფორმაციის სწორი ინფრმაციით განეიტრალება ხდებოდეს. შეზღუდვები ნებიემიერ ადამიანს არ უნდა ეხებოდეს, მაგრამ სახელმწიფო საიდუმლოების მატარებელს კანონი უნდა უკრძალავდეს სოციალურ ქსელებში აქტივობას და თვითცენზურასაც უნდა აკეთებდეს“, – აცხადებს ალადაშვილი.

საქართველოს კომუნიკაციების ეროვნული კომისიაში “პირველთან” საუბარში აღნიშნეს, რომ საქართველოში რუსული სოციალური ქსელების აკრძალვა არ მოხდება, რადგან ამას კანონმდებლობა არ ითვალისწენებს.

“ზოგადად, საქართველოში ინრტერნეტი თავისუფალია, შესაბამისად შეზღუდვები არ იქნება, რადგან ეს კანონმდებლობით არის უზრუმნველყოფილი. თუ კანონმდებლობაში რაიმე შეიცვლება, მერე შეიძლება ამაზე საუბარი. მარეგულირებელი კომისია მარეგულირებელ ფუნქციას აასრულებს კანონმდებლობით და ამ კანონმდებლობით არაფერი მსგავსი არ არის აკრძალული”, -აცხადებენ “პპირველთან” საუბარში მარეგულირებელ კომისიაში.

გავრცელებული ინფორმაციის თანახმად, უკრაინა, უსაფრთხოებიდან გამომდინარე, ქვეყნის მასშტაბით რუსული სოციალური ქსელების გაუქმებას აპირებს.

კავკასიის კვლევითი რესურსების ცენტრის მიერ 2016 წლის დასაწყისში ჩატარებული კვლევის მიხედვით, საქართველოს მოსახლეობის 40% ყოველდღიურად იყენებს ინტერნეტს. გამოკითხულთა 49% ინტერნეტს სოციალურ ქსელში შესასვლელად იყენებს. მოსახლეობის ზემოაღნიშნული 49%-დან 86% იყენებს Facebook-ს, 42-ოდნოკლასნიკებს, 13%-ვკონტაკტეს, ხოლო 5% – ტვიტერს.

წყარო: pia.ge

დატოვეთ კომენტარი

კომენტარები

Загрузка...