ბათუმში, სასტუმრო “ლეო გრანდში” მომხდარი ხანძრის დროს დაღუპულთა ნაწილის ვინაობა ცნობილია.

“პრაიმტაიმის” მიერ მოპოვებული ინფორმაციით, სასტუმრო “ლეო გრანდში” გარდაცვლილთა შორის არის 22 წლის ბექა. “ინტერპერსნიუსის” ინფორმაციით, დაღუპულები არიან მარად შანთაძე, ზაურ აბულაძე, გიორგი ცინცაძე, დათო ქამადაძე, როინ ჯოყილაძე.

​დაღუპული 6 ახალგაზრდა მამაკაცი ხანძრის დროს სასტუმროს სავარჯიშო დარბაზში იმყოფებოდა. ამის შესახებ საინფორმაციო სააგენტოს გარდაცვლილების ახლობლებმა განუცხადეს. დაღუპულებიდან ორი ახალგაზრდა, სავარაუდოდ ლიფტში იპოვეს, ორი კი სავარჯიშო დარბაზთან.

“29 და 33 წლის ბიჭები, სავარჯიშო დარბაზში დაახლოებით, 1 საათის მისულები იქნებოდნენ, ინტენსიურად დადიოდნენ სასტუმროს დარბაზში და ვარჯიშობდნენ. ერთ-ერთი მეზღვაური იყო, 1 კვირის წინ დაბრუნდა ნაოსნობიდან. როგორც ვიცი, საუნიდან გავრცელდა ხანძარი. შუქიც ჩაქრა, გზა ვეღარ გაიკვლიეს და კვამლის გამო გაიგუდნენ”, – აცხადებს დაღუპულების ახლობელი.

ახლობლების ინფორმაციით, გარდაცვლილები პროზექტურიდან უკვე გადაასვენეს ოჯახებში.

“ლეო გრანდში” ხანძარი 24 ნოემბერს ღამით გაჩნდა. ხანძარს 10 საქართველოს და 1 უცხოეთის მოქალაქე ემსხვერპლა.

სრული ვერსიის ნახვა primetime.ge

დატოვეთ კომენტარი

კომენტარები

Загрузка...