ლატარია Diamond Dazzler-ის ვებგვერდზე ნათქვამია, რომ აშშ-ში ჩრდილოეთ კაროლინას მცხოვრებმა ქალმა ლატარიის ორი იღბლიანი ბილეთი შეიძინა და ერთ დღეში მილიონ დოლარზე მეტი მოიგო. თუმცა ხელზე გაცილებით ნაკლები მისცეს.

თავიდან სამი შვილის დედამ, კიმბერლი მორისმა Diamond Dazzler-ის ლატარიის ბილეთით 10 ათასი დოლარი მოიგო. როცა ეს თანხა ქალაქ როლში მდებარე კომპანიის ოფისში მიიღო, უკანა გზაზე კიდევ ერთი ბილეთი შეიძინა. მისი ოცნება იმავე დღეს ასრულდა და მას ისევ კომპანიში დაბრუნება მოუხდა. მას 20 წლის განმავლობაში წლიურად 50 ათასი დოლარის გადახდა შესთავაზეს. თუ ამ პირობას არ დათანხმდებოდა, მას შეეძლო 600 ათასი იმ დღესვე გაეტანა. მორისმა მეორე ვარიანტი აირჩია და გადასახადების გამოკლებით ნაღდ ფულად 420 ათასი დოლარი წაიღო შინ.

 

 

დატოვეთ კომენტარი

კომენტარები

Загрузка...