მიუხედავად ებრაელების მიმართ ადოლფ ჰიტლერის ულმობელი დამოკიდებულებისა, ისტორიას შემორჩა წერილი, სადაც თვით ჰიტლერის მოთხოვნით ებრაელი ერნსტ ჰესი საკონცენტრაციო ბანაკიდან გაუშვეს. ჰესი გადარჩა, რადგან ის პირველ მსოფლიო ომში ჰიტლერის მხარდამხარ იბრძოდა, ის ოფიცერი იყო. წერილი მხოლოდ ახლა გამოქვეყნდა.

წერილი, რომელიც 1940 წლის 27 აგვისტოთი თარიღდება, ნაცისტური ორგანიზაცია “შუცშტაფელის” რაიხსფიურერმა ჰაინრიხ ჰიმლერმა დაწერა. წერილს დიუსელდორფის გესტაპო არქივში ინახავდა. წერილში წერია: “ფიურერის სურვილით, გაათავისუფლეთ და დაიცავით. არ იდევნებოდეს და არ გადაასახლოთ”.

მართალია, ერნსტი პროტესტანტი იყო, მაგრამ დედა ებრაელი ჰყავდა და ნაცისტებმა ის “სუფთა სისხლის

ებრაელად” შერაცხეს და რომ არა ფიურერი, უდავოდ სიკვდილი ელოდა. წერილის ასლი ჰესს გადასცეს.

თუმცა, 1941 წლის ივნისში ჰესი მიუნხენში, “შუცშტაფელში” გამოიძახეს; მან წერილი წარმოადგინა, მაგრამ განუცხადეს, რომ ბრძანება 1941 წლის მაისში გაუქმდა და იმ წუთიდან “სხვებივით ჩვეულებრივი ებრაელი იყო”. ჰესმა მუშაობა შავ მუშად განაგრძო და ბარაკებს აშენებდა. მართალია ჰესი გადარჩა, მაგრამ მისი და, ბერტა აუშვიცში, საკონცენტრაციო ბანაკში მოკლეს.

ჰესი 1983 წელს ფრანკფურტში გარდაიცვალა.

მომზადებულია dailymail.co.uk-ის მიხედვით.

წყარო: ambebi.ge

დატოვეთ კომენტარი

კომენტარები

Загрузка...