“ევროპული საქართველო” პარლამენტში შინაგან საქმეთა მინისტრის გიორგი გახარიას მისვლას ითხოვს. როგორც პარტიის ერთერთმა ლიდერმა ელენე ხოშტარიამ განაცხადა, მინისტრმა უსწრაფესად უნდა გასცეს საკანონმდებლო ორგანოში ყველა კითხვას პასუხი.

,,ჩვენ პარლამენტის უმცირესობა კატეგორიულად მოვითხოვთ უსწრაფესად შინაგან საქმეთა მინისტრი გამოცხადდეს პარლამენტში, პირველი, სრულად უზრუნველყოს სიტყვის გამოხატვის თავისუფლება რუსთაველზე მიმდინარე აქციის და მათ არავინ ხელი უნდა შეუშალოს. გასცეს კონკრეტული პასუხი იმ უნამუსო ძალადობაზე თავისუფალი მოქალაქეების თავდასხმაზე,”- განაცხადა ხოშტარიამ.

თბილისში მასშტაბური აქცია გაიმართა, რომელიც კლუბებში „ბასიანსა” და „გალერიში” ჩატარებულ სპეცოპერაციას უკავშირდებოდა. რუსთაველზე შეკრებილი აქციის წევრები, სპეცრაზმელების მხრიდან აგრესიულ მოპყრობას აპროტესტებენ. შსს-ს ინფორმაციით, დაკავებულია 8 ნარკორეალიზატორი.

ბოლო პერიოდში, საქართველოში ალაპარაკდნენ ახალი ნარკოტიკის შესახებ, რომელმაც, არსებული ინფორმაციით, უკვე რამდენიმე ადამიანის, მათ შორის ახალგაზრდების სიცოცხლე იმსხვერპლა.

imedinews

დატოვეთ კომენტარი

კომენტარები

Загрузка...