ევროკავშირი საპასუხო ზომებით იმუქრება იმ შემთხვევაში, თუ აშშ ევროპიდან პროდუქციის მიწოდებაზე შეზღუდვებს დააწესებს.

ამის შესახებ ინფორმაციას Bloomberg ავრცელებს.

„აშშ–ის მხრიდან ევროპული იმპორტის შეზღუდვის შემთხვევაში ევროკავშირი მზადაა, დაუყოვნებლივ მიმართოს ადეკვატურ ზომებს“, – განაცხადა ბრიუსელში გამართულ პრეს–კონფერენციაზე ევოკომისიის ოფიციალურმა წარმომადგენელმა მარგარიტის სხინასმა.

მისი თქმით, ევროკავშირისთვის ვაჭრობის სფეროში გამარჯვებულები და დამარცხებულები არ არსებობს. „ჩვენ მიგვაჩნია, რომ ვაჭრობა არა მხოლოდ ღია და სამართლიანი, არამედ კანონზე დაფუძნებულიც უნდა იყოს“, – აღნიშნა ევროკომისიის წარმომადგენელმა.

აშშ–ის პრეზიდენტმა დონალდ ტრამპმა კვირას ბრიტანულ ტელეკომპანია ITV-სთან ინტერვიუში განაცხადა, რომ ვაშინგტონს ბრიუსელთან ბევრი პრობლემა დაუგროვდა და ეს ყველაფერი შეიძლება „რამე სერიოზულში გადაიზარდოს“ სავაჭრო ურთიერთობების მიმართთულებით. ამერიკულ პროდუქციას ძალიან უჭირს ევროპულ ბაზარზე მოხვედრა იმ ფონზე, როდესაც ევროკავშირის ქვეყნებს ამერიკაში თავისი საქონელი „ძალიან დაბალი გადასახადებით“ შეაქვთ, აღნიშნა ტრამპმა.

m2b.ge

დატოვეთ კომენტარი

კომენტარები

Загрузка...