“ევროკავშირი არის კატასტროფული ორგანიზაცია, რომელიც ევროპას კლავს” – ეს განცხადება საფრანგეთის „ნაციონალური ფრონტის“ ლიდერმა გააკეთა.

მარინ ლე პენი პრაღაში იმყოფება, სადაც ევროპის ულტრამემარჯვენე პარტიების ლიდერები არიან შეკრებილი და სამომავლო გეგმებზე მსჯელობენ.

სიტყვით გამოსვლის დროს, მარინ ლე პენმა განაცხადა, რომ ევროკავშირი შიგნიდან უნდა დაინგრეს და ამისათვის ძალების მაქსიმალური მობილიზებაა საჭირო.

ულტრამემარჯვენე ლიდერების მასპინძელი ჩეხეთის თავისუფლებისა და პირდაპირი დემოკრატიის პარტიაა.

SPD-მ ჩეხეთში ოქტომბერში გამართულ საპარლამენტო არჩევნებში ხმების 11 % მოიპოვა. პარტია ცნობილია ანტიისლამური და ანტიიმიგრაციული იდეოლოგიით.

პრაღის კონფერენციას ესწრება ჰოლანდიის რადიკალური მემარჯვენე პარტიის ლიდერიგეერტ ვილდერსი.

ვილდერსმა ევროპაში სამოგზაურო შეზღუდვების დაწესების აუცილებლობაზე გაამახვილა ყურადღება.

პრაღაში შეკრებილმა ლიდერებმა აღნიშნეს, რომ უნდა იმუშაონ საკონტინენტთაშორისო თანამშრომლობის ახალ მოდელზე, რომელსაც ევროკავშირთან კავშირი არ ექნება, ევროპის მოსახლეობის პრობლემების გადაჭრაზე იზრუნებს, მკვეთრად ჩამოყალიბებული პოზიცია ექნება ლტოლვილების საკითხზე, იმიგრაციის პოლიტიკაზე და დაიცავს ევროპელი ხალხის ინტერესებს.

დატოვეთ კომენტარი

კომენტარები

Загрузка...