იაპონელმა მეცნიერებმა იპოვეს მტკიცებულება, რომელიც ადასტურებს, რომ 770 ათასი წლის წინ დედამიწის სამხრეთ პოლუსი ჩრდილოეთ პოლუსის ადგილზე მდებარეობდა, იუწყება საინფორმაციო სააგენტო РИА Новости ტელეკომპანია NHK-ზე დაყრდნობით.

ტელეარხის ინფორმაციით, გეოლოგებმა ტიბას პრეფექტურაში აღმოაჩინეს ქანები, რომლებიც პოლუსების ცვლილების დროზე მიუთითებს. ქანების ფრაგმენტების მაგნიტურმა ანალიზმა აჩვენა, რომ 770 ათასი წლის წინ დედამიწის სამხრეთი პოლუსი ჩრდილოეთ პოლუსის ადგილზე მდებარეობდა. სწორედ იმ პერიოდში „გაცვალეს“ პოლუსებმა ადგილები. ახლა იაპონელი გეოლოგები აპირებენ, რომ ივნისში წამოაყენონ წინადადება, რათა 770-120 ათასი წლის წინანდელ პერიოდს სახელი ტიბას პრეფექტურის მიხედვით ეწოდოს.

დატოვეთ კომენტარი

კომენტარები

Загрузка...