ისმის კითხვა, რა სარგებლობა მოაქვს პრეზიდენტს ახალი კონსტიტუციის ფარგლებში? მე ამ კითხვაზე, სარგებელთან დაკავშირებით, გარდა ფილმში გაცემული ბოლო პასუხისა, ნამდვილად ვერაფერს მოგახსენებთ, – ამის შესახებ “დემოკრატიული მოძრაობის”, საკონსტიტუციო კომისიის წევრმა დიმიტრი ლორთქიფანიძემ ჟურნალისტებს განუცხადა.

მისი თქმით, კონსტიტუციაში შესატანი ცვლილებების პროექტში პრეზიდენტის უფლებამოსილებები მნიშვნელოვნად არის შემცირებული.

“ადამიანის ორგანიზმში შესაძლოა ბრმა ნაწლავს უფრო მეტი დადებითი ფუნქცია ჰქონდეს, ვიდრე მომავალში პრეზიდენტს ექნება წარმოდგენილი კონსტიტუციის ფარგლებში. პრეზიდენტი ვეღარ ისარგებლებს საკუთარი სათათბირო ორგანოს ფუნქციით, და როგორც ჩანს ქვეყანაზე შეიარაღებული თავდასხმა სუბიექტური აღქმის საგანი იქნება მისთვის, სხვაზე უნდა იყოს დამოკიდებული მის მიერ მისაღები გადაწყვეტილება. პირი, რომელიც აქამდე უფლებამოსილი იყო, რომ დამოუკიდებელ სასამართლო ხელისუფლებაში, უზენაეს სასამართლოში წარედგინა 3 წევრი, მას ეს უფლებაც ერთმევა”, – აღნიშნა დიმიტრი ლორთქიფანიძე.

 

დატოვეთ კომენტარი

კომენტარები

Загрузка...