დედების ფონდი თანამშრომლობას სამედიცინო ტურიზმის საერთაშორისო ექსპერტთან_პაატა რატიანთან იწყებს. თანამშრომლობის ფარგლებში დედების ფონდის ბენეფიციარები მიიღებენ მკურნალობის საუკეთესო ხარისხს, ზუსტ დიაგნოსტირებას და მკურნალობის ეტაპის კომფორტულად გავლას. “ხშირად ხდება რომ საქართველოში ზუსტი დიაგნოზი ვერ დგინდება, ოჯახს უწევს ნაცნობ-საახლობლოში გაკითხვა სად წაიყვანოს პაციენტი, იწყებენ მკითხაობას, ჩადიან უცხო ქვეყანაში ისე რომ არ იციან ენა, აწყდებიან ბევრ დაუგეგმავ ხარჯს_ სასტუმროში დაბინავებას, კვებას და გადაადგილებას. ასეთ დროს კლინიკისგან შესაძლოა გაბერილი ფასიც მიიღოს და იძულებულიც გახდეს რომ დათანხმდეს.

ამ ყველაფერს ჩვენ უკვე თავიდან ავირიდებთ და ზუსტად გვეცოდინება სად და რომელ კლინიკაში უნდა გავგზავნოთ ბენეფიციარი” _ ამბობს, დედების ფონდის დამფუძნებელი ვიოლეტა ჩიმჩიური. დედების ფონდი გადადის მუშაობის ახალ ეტაპზე. ფონდში შემოსული ნებისმიერი ბენეფიციარის განცხადება გაივლის სერიოზულ ფილტრს, იმ შემთხვევაში თუ დიაგნოსტირება ვერ ხერხდება საქართველოში, ან ხერხდება და შემდგომ მისი მკურნალობა არის შეუძლებელი, პაციენტები მსოფლიოს წამყვან კლინიკებში მოხვდებიან _ თურქეთი, ესპანეთი, იაპონია, უკრაინა, საფრანგეთი, გერმანია და სხვა ცნობილ კლინიკებში.

ამ კლინიკებთან უკვე მიმდინარეობს მოლაპარაკება და დედების ფონდი ბენეფიციარები სპეციალურ ფასს და მომსახურებას მიიღებენ.

დატოვეთ კომენტარი

კომენტარები

Загрузка...