ოლონიაში, მუსლიმმა დედამ 14 წლის ქალიშვილი ჰიჯაბის ტარებაზე უარის თქმის გამო დასაჯა და თმა გადაჰპარსა. ინფორმაციას Newsline ავრცელებს.

როგორც ირკვევა, 14 წლის მოზარდი სახლიდან ჰიჯაბით გამოდიოდა, თუმცა გზაში მას იხსნიდა და სახლში დაბრუნებამდე ისევ იკეთებდა, რათა ოჯახთან კონფლიქტი არ ჰქონოდა. თუმცა, ამის შესახებ დედამ გაიგო და შვილი სასტიკად დასაჯა.

ეს ამბავი სკოლის ადმინისტრაციისთვის მას შემდეგ გახდა ცნობილი, რაც მოზარდი სკოლაში თავგადაპარსული მივიდა. ადმინისტრაციამ შესაბამის ორგანოებს მიმართა. გამოძიების პროცესში გაირკვა, რომ ოჯახი მოზარდ გოგოებს არა მხოლოდ ჰიჯაბის ტარებას აიძულებდა, არამედ სახლიდან მარტო გასვლასა და მამრობითი სქესის წარმომადგენლებთან კომუნიკაციასაც უკრძალავდა.

გამოძიებისას, მშობლების მიერ შვილებზე ფიზიკური ზეწოლის ფაქტი არ დადასტურდა, თუმცა მათზე სისტემატურად ხორციელდებოდა ფსიქოლოგიური ზეწოლა. სოციალურმა სამსახურმა მოზარდები სპეციალურ თავშესაფარში გადაიყვანა, მშობლებს კი სასამართლოს წინაშე მოუწევთ გამოსვლა.

ადგილობრივი მუსლიმური თემის ხელმძღვანელმა მშობლების ქცევა გააკრიტიკა და განაცხადა, რომ ისლამი თავისუფალი არჩევნის საშუალებას ყველას აძლევს. ბოლონიის მერმა კი მომხდარ ფაქტს, “მშობლების მიერ განხორციელებული ავტორიტარიზმი უწოდა, რომელიც მიუღებელია.”

დატოვეთ კომენტარი

კომენტარები

Загрузка...