ჯანდაცვის სამინისტროს შრომის პირობების ინსპექტირების დეპარტამენტი ავრცელებს  ინფორმაციას, ყველაზე მაღალი რისკის შემცველი სამუშაოების შესახებ, სადაც 2016-2017 წლებში უბედური შემთხვევები დაფიქსირდა. ამის შესახებ „ბიზნესპრესნიუსი” წერს.

მონაცემების მიხედვით, ყველაზე სარისკო სამუშაოდ, სამშენებლო  და სამთომოპოვებით მრეწველობა სახელდება.

დაღუპულთა 52.0% ნაწილდება სამშენებლო სექტორზე, 20.0% – სამთომოპოვებით მრეწველობაზე და კარიერის დამუშავებაზე, 8.0% – დამამუშავებელ მრეწველობაზე, 8.0% – ელექტროენერგიის, აირის, ორთქლის და კონდენცირებული ჰაერის მიწოდებაზე, 4.0% – საბითუმო და საცალო ვაჭრობაზე ( აქ იგულისხმება ბენზინგასამართი, გაზგასამართი სადგურები), 4.0% – ტრანსპორტზე და დასაწყობებაზე, 4.0% – გართობისა და დასვენების სექტორზე. ასევე სამშენებლო სექტორზე მოდის დაშავებულთა უმეტესი – 52.2%, 21.7% – დამამუშავებელ მრეწველობაზე ნაწილდება, 17.4 % – საბითუმო და საცალო ვაჭრობაზე (ბენზინგასამართი და გაზგასამართი სადგურები), 8.7% – გართობისა და დასვენების სექტორზესამუშაო ადგილზე დაღუპულთა და დაშავებულთა ყველაზე დიდი რაოდენობა ნაწილდება მშენებლობის (F) სექტორზე. კერძოდ, ანგარიშის თანახმად, მშენებლობაზე დაღუპულია 13 და დაშავებულია 12 ადამიანი.

5 ადამიანია დაღუპული სამთო მოპოვებითი მრეწველობისა და კარიერის დამუშავების (B) სექციაზე;

2 ადამიანია დაღუპული და 5 დაშავებული ა დამამუშავებელი მრეწველობის (C) სექციაზე;

2 ადამიანია დაღუპული ელექტროენეერგიის, აირის, ორთქლისა და კონდიცირებულიჰაერის მიწოდების (D) სექციაში.
2016-2017 წლებში 1 პირი დაიღუპა და 4დაშავდა საბითუმო და საცალო ვაჭრობის (ბენზინგასამართი და აირგასამართი სადგურები) (G) სექციაში;

1 დაღუპული და 2 დაშავებულია გართობისა და დასვენების (R) სექციაში; ხოლო 1 პირი დაიღუპა ტრანსპორტისა და დასაწყობების (H) სექციაში,“- წერია შრომის, ჯანმრთელობისა და სოციალური დაცვის სამინისტროს შრომის პირობების ინსპექტირების ანგარიშში.

დატოვეთ კომენტარი

კომენტარები

Загрузка...