კიევში დაკავებული მიხეილ სააკაშვილი უკრაინელი სამართალდამცველების ლურჯ მიკროავტობუსში იმყოფება. ადგილზე საქართველოს ექსპრეზიდენტის მხარდამჭერები იმყოფებიან და მიკროავტობუსს მოძრაობის საშუალებას არ აძლევენ.

 

უკრაინული მედიის ცნობით, სააკაშვილს ექიმის დახმარება დასჭირდა. ექსპრეზიდენტთან მისულ ექიმს უსაფრთხოების მიზნით თავზე ჩაფხუტი ეხურა. ექიმის თქმით, სააკაშვილმა ძლიერი სტრესი განიცადა, თუმცა სამედიცინო ჩარევა არ დასჭირდა.

 

დაკავებული მიხეილ სააკაშვილის მიკროავტობუსში შესვლას მოძრაობა “სამართლიანობის” ლიდერი ვალენტინ ნალივაიჩენკო ცდილობს, თუმცა, უშედეგოდ.

 

მიხეილ სააკაშვილის ადვოკატის თქმით, ოდესის ყოფილ გუბერნატორი სახლის სახურავზე ყოფნის დროს შეუძლოდ გახდა – მას წნევა აეწია.

 

კიევში, ევროპის მოედანზე, სადაც დაკავებული მიხეილ სააკაშვილი სამართალდამცველების ავტომობილში იმყოფება, მიტინგი მიმდინარეობს. სააკაშვილის მხარდამჭერები სამართალდამცავ ორგანოებს კანონიერი ქმედებებისკენ მოუწოდებენ. ადგილზე პერიოდულად მცირე ინციდენტებს აქვს ადგილი

DIGEST.GE

 

დატოვეთ კომენტარი

კომენტარები

Загрузка...