,,ბავშვთა სამყაროს” მოვაჭრეები მთავრობას ულტიმატუმს უყენებენ და 13:00-მდე აძლევენ დროს.

დაზარალებულების თქმით, თუ მათ შენობაში დღის პირველ საათამდე არ შეუშვებენ  მთავრობას სიურპრიზს მოუწყობენ.

„ულტიმატუმს ვუყენებთ მთავრობას და ვადას ვაძლევთ 13:00 საათამდე, რომ შეგვიშვან შენობაში და მოგვცენ უფლება, გავიტანოთ ჩვენი ნივთები. საშუალება იყო და ამ მომენტშიც არის, რომ შეგვიშვან და იქიდან ნელ-ნელა მოგვაწოდონ ნივთები. რას გავაკეთებთ ვადის ამოწურვის შემდეგ, ეს იქნება სიურპრიზი მთავრობისთვის“, – განაცხადა ერთ-ერთმა დაზარალებულმა.

შეგახსენებთ, რომ 30 იანვარს ღამით, ცეცხლი გაუჩნდა ,,ბავშვთა სამყაროს” შენობას და 15 000 კვ.მ ფართობი სრულიად განადგურდა. დაიწვა ოქროს ბირჟა. ხანძარს ოქროულობის მხოლოდ ის ნაწილი გადაურჩა, რომელიც სეიფში ინახებოდა. მოვაჭრეები შენობაში შესვლას და გადარჩენილი ოქროულობის გამოტანას მოითხოვენ. მათ შენობაში  უსაფრთხოების მიზნით არ უშვებენ. ყოფილი ,,ბავშვთა სამყარო” ავარიულია და იგეგმება მიდი დემონტაჟი.

 

დატოვეთ კომენტარი

კომენტარები

Загрузка...