დღეს ჩვენ საქართველოში ვხედავთ სკონსტიტუციო უმრავლესობას მოქმედებაში, სწორედ ამიტომ იყო სახიფათო საკონსტიტუციო უმრავლესობის ერთი პარტიის ხელში მოხვედრა”,- ამის შესახებ პარლამენის ყოფილმა თავმჯდომარემ, საკონსტიტუციო კომისიის ყოფილმა ხელმძღვანელმა დავით უსუფაშვილმა ”პალიტრანიუსის” გადაცემაში ”360 გარდუსი” განაცხადა.

მისი თქმით, წინა მოწვევის პარლამენტის დროს საარჩევნო სისტემის შეცვლა ”ნაციონალური მოძრაობის” წინააღმდეგობის გამო ვერ მოხერხდა, თუმცა ამ კონტექსტში საუბრისას უსუფაშვილი აღნიშნავს, რომ ცვლილებების მიმართულებით ნიადაგის მომზადება მოხერხდა.

“ დღეს ჩვენ საქართველოში ვხედავთ საკონსტიტუციო უმრავლესობას მოქმედებაში, სწორედ ამიტომ იყო სახიფათო საკონსტიტუციო უმრავლესობის ერთი პარტიის ხელში მოხვედრა. ამ თემაზე ამიტომ ვსაუბრობდით ბევრს სხვადასხვა პოლიტიკური პარტიისა თუ სამოქალაქო სექტორის წარმომადგენლები, რათა პროცესების წაყვანა ამ მიმართულებით არ მომხდარიყო. ”ქართული ოცნების” მიერ იდეაფიქსად ქცეული მიზანი, რომ 2016 წელს საკონსტიტუციო უმრავლესობა უნდა მოეპოვებინათ, ზუსტად იმ სისტემით, რომელსაც 2020 წელსაც ტოვებენ, აი ის ხდება ზუსტად. როდესაც საკონსტიტუციო უმრავლესობა ხელში გიპყრია, გიჩნდება განცდა თუ რატომ არის საჭირო სხვასთან საუბარი, როდესაც მე შემიძლია ყველაფერი შევცვალო ისე, როგორც თავად გადავწყვეტ.

წინა მოწვევის პარლამენტის დროს, საარჩევნო სისტემის შეცვლა და სრულ პროპორციულ სისტემაზე გადასვლა ვერ მოხერხდა, ზუსტად საკონსტიტუციო უმრავლესობაზე შეჩვეული პოლიტიკური ძალის, ”ნაციონალური მოძრაობის” ბრალით, როდესაც ჩვენ, კოალიციაში გაერთიანებულმა პარტიებმა დიდი მეცადინეობით მივაღწიეთ, რომ კოალიცია ”ქართული ოცნება” დათანხმდა კენჭი გვეყარა სრულ პროპორციულ სისტემაზე გადასვლისკენ არა 2020 წელს, არამედ 2016 წლის ნოემბრიდანვე”, – აღნიშნა დავით უსუფაშვილმა.

წყარო: ipn.ge

დატოვეთ კომენტარი

კომენტარები

Загрузка...