„პირველი ორი-სამი კვირა ბაღები ყოველთვის გადატვირთულია, შემდეგ ნაწილობრივ, რაღაც ნაწილი ბავშვების არ დადის და ჯგუფებში თავისუფალი მდგომარეობაა“ – ამის შესახებ დედაქალაქის მერმა დავით ნარმანიამ საბავშვო ბაღებში გადატვირთულობის პრობლემაზე საუბრისას ჟურნალისტებს განუცხადა.

ნარმანია ვარაუდობს, რომ მდგომარეობა დასტაბილურდება.

„პირველი ორი-სამი კვირა ბაღები ყოველთვის გადატვირთულია, შემდეგ ნაწილობრივ რაღაც ნაწილი ბავშვების არ დადის და ჯგუფებში თავისუფალი მდგომარეობაა და ვფიქრობთ, წელსაც გარკვეული პერიოდის შემდეგ, მდგომარეობა დასტაბილურდება“, – განაცხადა დავით ნარმანიამ.

დავით ნარმანია აცხადებს, რომ მიმდინარე წელს ორი ბაღის მშენებლობა დასრულდება და 13-ის გაგრძელდება, რის შემდეგაც, ბავშვების გადანაწილება მოხდება. რაც შეეხება ბაღებს მიღმა დარჩენილი აღსაზრდელების საკითხს, დავით ნარმანია აცხადებს, რომ დაახლოებით 15 ათასამდე ბავშვის გადანაწილება წელს ვერ მოხდება, რადგანაც ამის რესურსი არ არის.

„ყველას გადანაწილება წელს ვერ მოესწრება, გამომდინარე იქიდან, რომ ქალაქის მოსახლეობა იზრდება, ბავშვების რაოდენობა იზრდება. აქიდან გამომდინარე, ჩვენ ინტენსიურ რეჟიმში ვმუშაობთ საბავშო ბაღების მშენებლობაზე და მათ კეთილმოწყობაზე, რათა კიდევ უფრო მეტი ჯგუფი გაიხსნას“, – განაცხადა დავით ნარმანიამ.

1tv.ge

დატოვეთ კომენტარი

კომენტარები

Загрузка...