გორის რაიონის სოფელ ქვახვრელში 50-წლამდე ასაკის კაცი ცემით მოკლეს. შს სამინისტრო “პირველთან” საუბარში ფაქტს ადასტურებს და აცხადებს, რომ საქმე გახსნილია. ფაქტზე სამართალდამცველებმა ერთი პირი დააკავეს.

შემთხვევა გუშინ, გიორგობის დღესასწაულზე მოხდა. სუფრაზე დაწყებული კამათი შემდეგ ცემაში გადაიზარდა, რა დროსაც არაფხიზელ მდგომარეობაში მყოფმა პირმა კაცი მოკლა.
უწყების ცნობით, საქმეზე გამოძიება სსკ 108-ე მუხლით მიმდინარეობს, რაც განზრახ მკვლელობას გულისხმობს და ისჯება თავისუფლების აღკვეთით ვადით შვიდიდან თხუთმეტ წლამდე.

digest.ge

დატოვეთ კომენტარი

კომენტარები

Загрузка...