პოლიტიკური ორგანიზაცია “გირჩის” წევრმა, ნათია კალაძემ ტელეკომპანია “იბერიის” ეთერში გამოსვლისას პროსტიტუციის ლეგალიზაციის საჭიროებასთან დაკავშირებით “გირჩის” პოზიციაზე ისაუბრა და განაცხადა, რომ მეძავები პატიოსანი შრომით შოულობენ ფულს, ამიტომ ეს საქმიანობა ლეგალური უნდა იყოს.

“საქართველოში არსებობს სტერეოტიპი, რომ ეს საქმიანობა მიჩნეულია ამორალურად. მაგრამ ჩვენ ამ წლების განმავლობაში თანამედროვე და თავისუფალ საზოგადოებად ჩამოვყალიბდით და უნდა ვაღიაროთ, რომ ეს ადამიანები ასეთი გზით ირჩენენ თავს, ეს არის მათი შემოსავლის ნაწილი, ისინი მუშაობენ, ისინი არ ქურდობენ, არ იპარავენ, ან არაკეთილსინდისიერი გზებით არ შოულობენ თავის შემოსავალს, არამედ ზუსტად ასეთი შრომით იღებენ იმ თანხას, რაც მათ ყოველდღიურობას გაუადვილებს.

ასევე უნდა გავითვალისწინოთ, რომ ამ ადამიანებს შეიძლება არც მოსწონთ ეს საქმიანობა, მაგრამ ცხოვრებისეული პირობების გამო, იმიტომ, რომ ასეთი გარემოება შეექმნათ, მათ სჭირდებათ ოჯახის რჩენა, შვილები, შეიძლება ჰყავთ მეუღლეებიც, განსხვავებული შემთხვევებიც არსებობს. აქედან გამომდინარე ჩვენ უნდა ვაღიაროთ, რომ ეს ადამიანები პატიოსანი შრომით, თუნდაც ასეთი გზით, ღებულობენ შემოსავალს,” – განაცხადა გირჩის წევრმა, ნათია კალაძემ “იბერიის” ეთერში.

წყარო: https://www.youtube.com/watch?v=GgAnvBEghY4&t=275s

დატოვეთ კომენტარი

კომენტარები

Загрузка...