პარლამენტის საპროცედურო საკითხთა კომიტეტის თავმჯდომარე, გიორგი კახიანი გედევან ფოფხაძის მიერ გადაწყვეტილებას შეცვლასა და საპარლამენტო უმრავლესობის რიგებში დარჩენას არ გამორიცხავს. ამის შესახებ 1tv წერს.

როგორც კახიანმა ჟურნალისტებს განუცხადა, ეს გედევან ფოფხაძის გადასაწყვეტია.

„არ გამოვრიცხავ, რომ მან გადაწყვეტილება შეცვალოს. არ გამოვრიცხავ იმასაც, რომ უმრავლესობის რიგებში დარჩეს და ფრაქცია დატოვოს. ეს მისი გადასაწყვეტია, ვერც წარმომიდგენია, რომ გედი არ იყოს ჩვენი თანაგუნდელი“, – განაცხადა კახიანმა.

ამასთან, მისი თქმით, საპარლამენტო უმრავლესობაში სტაბილური მდგომარეობაა და არანაირი წინაპირობა, რომ უმრავლესობის ერთიანობას საფრთხე ემუქრებოდეს, არ არსებობს.

„რაც შეეხება უმრავლესობაში არსებულ მდგომარეობას, მეჩვენება, რომ გადაჭარბებულად ხდება ტრაგიკული მდგომარეობის დახატვა. ნამდვილად არ არის ასე და უმრავლესობის შიგნით ბევრად უფრო სტაბილური მდგომარეობაა, ვიდრე ეს შეიძლება ამ ბოლო დღეებში გამოჩნდა. 116 წევრისგან შედგება უმრავლესობა და ბუნებრივია, კონკრეტულ პირებს შორის შეიძლება რაღაც უთანხმოება არსებობდეს, რაც სავსებით ბუნებრივი პროცესია. ამ ეტაპზე, არანაირი წინაპირობა იმისა, რომ უმრავლესობის ერთიანობას რამე საფრთხე ემუქრებოდეს, არ არსებობს“, – განაცხადა კახიანმა.

დეპუტატმა გედევან ფოფოხაძემ საპარლამენტო უმრავლესობა დატოვა. ამის მიზეზი კი უმრავლესობის მიერ საზოგადოებრივი მაუწყებლის სამეურვეო საბჭოს წევრობის კანდიდატ ნინია კაკაბაძის მხარდაჭერა გახდა.

საქართველოს პარლამენტში ნინია კაკაბაძე და იზაბელა ოსიპოვა საზოგადოებრივი მაუწყებლის სამეურვეო საბჭოს წევრებად დაამტკიცეს. კაკაბაძეს, რომელიც უმრავლესობის გარეთ დარჩენილი დეპუტატების მიერ იყო წარდგენილი, მხარი 55-მა დეპუტატმა დაუჭირა, წინააღმდეგი კი – 12 იყო.

დღეს გედევან ფოფხაძე უმრავლესობის ლიდერებს შეხვდება.

დატოვეთ კომენტარი

კომენტარები

Загрузка...