მსახიობი გიორგი გაგლოევი თბილისში, დადიანის გამზირზე, ავარიაში მოყვა. ის ავტოსაგზაო შემთხვევის მიზეზად ქვეითს ასახელებს.
მსახიობის თქმის, წყვილი, რომელიც ქვეითთა გადასასვლელით არ სარგებლობდა და ე.წ ზებრაზე არ გადადიოდა, მისი მატერიალური ზიანის მიზეზი გახდა .

“დადიანის ქუჩაზე, ჩემს წინ მიმავალმა ორმა ავტომობილმა, ქვეთისთვის შეჯახების აცილების მიზნით, მოულოდნელად დაამუხრუჭა, რა თქმა უნდა მეც შევაჩერე, თუმცა მოულონელობიდან გამომდინარე დავეჯახე ჯიპის მარკის ავტომობლის და დამიზიანდა მანქანა, რამაც სერიოზულად დამაზარალა ფინანსურად. საბედნიეროდ სიცოცხლისთვის საზიანო არაფერი მომსვლია და ჯანმრთელობის მდგომარეობა დამაკმაყოფილებელი მაქვს”, – აღნიშნა გაგლოევმა.

გიორგი გაგლოევი ქვეითებს მათთვის განკუთვნილი სპეციალური გადასასვლელით სარგებლობისკენ მოუწოდებს და ხაზგასმით აღნიშნავს, რომ თბილისში ქვეითად მოსიარული პირების მხრიდან მოძრაობის წესების დარღვევა ხშირად ფიქსირდება და ზოგ შემთხვევაში, მძოლისთვის სავალალოდ მთავრდება.

“მინდა მივმართო ქვეითებს, ისარგებლონ ე.წ. ზებრა გადასასვლელით. ქვეითების მხრიდან მოძრაობის წესის დარღვევა მძღოლების უმრავლესობას სერიოზულ პრობლემას უქმნის. ასევე მივმართავ საპატრულო პოლიციას, კიდევ უფრო აქტიურად გააკონტროლოს მოქალაქეები, რომლებიც მათთვის განკუთვნილი სპეციალური გადასასვლელით არ სარგებლობს და საჭიროების შემთხვევაში ზომები მიიღონ”, – ამბობს მსახიობი.

დატოვეთ კომენტარი

კომენტარები

Загрузка...