„საქართველოს ადვოკატთა დამოუკიდებელი პროფკავშირი ეხმიანება საპარიარქოსთან დაკავშირებით განვითარებულ მოვლენებს. საქართველოს ადვოკატთა დამოუკიდებელი პროფკავშირის თავმჯდომარის, უფლებადამცველის, გიორგი თევზაძის განცხადებით, „საქართველოს და ქართულ ეკლესიას მრავალსაუკუნოვანი ისტორიის მანძილზე უფრო რთული დღეებიც ჰქონია, თუმცა საქართველოს ეკლესია ყოველთვის რჩებოდა და მომავალშიც დარჩება საქართველოს განუყოფლობის, რწმენისა და ერთიანობის გარანტად. საზოგადოება შეშფოთებულია იმ ინფორმაციით, რომელიც მხოლოდ გამოძიების კომპეტენციას განეკუთვნება. დაუშვებელია ამ საკითხზე ვერსიები და განცხადებები კეთდებოდეს პოლტიკოსების, არასამთავრობო ორგანიზაციების ანდაც საპატრიარქოს ცალკეული წარმომადგენლის მხრიდან. გაცილებით სწრაფად და სწორად იქნება შესაძლებელი კითხვებზე პასუხების მიღება, რაც ნაკლებად მოხდება საკითხის აჟიტირება. ერთადერთ გამოსავალს წარმოადგენს ამ შემთხვევის იბიექტური გამოძიება და კანონიერი რეაგირება. ყველა სხვა სახის მცდელობა საქმეს მხოლოდ დააზიანებს.

უფლის წყალობით საქართველოს ჰყავს ბრძენი, საქართველოზე და ქართველ ერზე მზრუნველი და ქართველი ერის საიმედო პატრიარქი, რომელიც სრულიად სამართლიანად, საქართველოს მოსახლეობაში სარგებლობს ყველაზე დიდი ნდობით და ავტორიტეტით, რომლის ღვაწლიც შეუფასებელია.

იწყება დიდმარხვის დღეები და საზოგადოებას მეტი თავშეკავება მოგვეთხოვება. ამ დრომდე განცხადების გავრცელებისგან თავს შეგნებულად ვიკავებდით და გვსურდა, რომ ამ განცხადების გაკეთების საჭიროებაც არ ყოფილიყო, თუმცა შექმნილი ვითარება სხვა გამოსავალს არ გვიტოვებს. ვიმედოვნებთ, რომ პატრიარქის მოწოდებისამებრ, სამართალდამცავი ორგანოები საპატრიარქოს წარმომადგენლების ჩართულობით სამუშაოებს განახორციელებენ და საზოგადოება მიიღებს სწორ და დასაბუთებულ ინფორმაციას განვითარებული მოვლენების ირგვლივ. ასევე ვიმედოვნებთ, რომ დაცვის მხარეს, კანონით დადგენილი თანასწორობის პრინციპებიდან გამომდინარე მიეცემა საკუთარი მოვალეობების ჯეროვნად განხორციელების საშუალება, რაც ხელს შეუწყობს საქმეზე ჭეშმარიტების დადგენას“, – აღნიშნულია საქართველოს ადვოკატთა დამოუკიდებელი პროფკავშირის თავმჯდომარის, უფლებადამცველის, გიორგი თევზაძის განცხადებაში.

დატოვეთ კომენტარი

კომენტარები

Загрузка...