გერმანიაში ჩადენილი კრიმინალური ქმედებების მხრივ, ქართველები ბოლოდან პირველ ადგილზე არიან.

გერმანიის შინაგან საქმეთა სამინისტროს მიერ გამოქვეყნებული სტატისტიკის თანახმად, იმ 25 ქვეყნის მოქალაქეებს შორის, რომლებმაც ფედერაციულ რესპუბლიკაში დანაშაული ჩაიდინეს, საქართველო ბოლოდან პირველ – 24-ე ადგილზეა.
გერმანიის შინაგან საქმეთა სამინისტროს მონაცემებით, კრიმინალური ქმედებების  მხრივ ლიდერობენ სირიელები, მეორე ადგილზეა თურქეთი, მესამეზე კი ავღანეთი.
მეოთხე და მეხუთე ადგილზე დასახელდა  ევროკავშირის ქვეყნები რუმინეთი და პოლონეთი.
სტატისტიკურად, გერმანიაში დანაშაულის ჩამდენთა შორის, საქართველოსთან შედარებით, დიდი მაჩვენებელი აქვს ასევე ევროკავშირის წევრ ქვეყნებს – იტალიას და ბულგარეთს.
შეგახსენებთ, რომ გერმანული გამოცემა BILD-ის ინფორმაციით, იმის გამო, რომ ქვეყანაში ჩასულ სხვადასხვა ერს შორის კრიმინალური ქმედებების რაოდენობით ქართველები ლიდერობენ, ევროკავშირი საქართველოსთვის ვიზალიბერალიზაციის მინიჭებით დიდ თავის ტკივილს გაიჩენს.
წყარო pia.ge

დატოვეთ კომენტარი

კომენტარები

Загрузка...