,,გელოდებით ჩემთან, 1 ოქტომბერს, 5 საათზე, მწერლის სახლში, ჩემი წიგნის  `ისევ მეძახი…`წარდგინებაზე _ წერს ფეისბუქის საკუთარ გვერდზე ლეიბორისტული პარტიის ლიდერის _ შალვა ნათელაშვილის მუღლე, მწერალი და პოეტი  ბელა ალანია.

მისი შემოქმედების მეხოტბე _ მედეა ჩიხლაძე კი სოციალურ ქსელში ასეთ პოსტს აქვეყნებს:

`მეგობრებო, ხვალ 1 ოქტომბერს, 17 საათზე დიდი პატივისცემით და სიყვარულით გელოდებით ჩვენი თბილი, საყვარელი და გაზაფხულივით მშვენიერი ქალბატონის, ბელა ალანიას შემოქმედებით საღამოზე. მისი ყოველი ლექსი, ჩანახატი თუ ნოველა კეთილშობილებით არის გაჯერებული და ისეთივე გულწრფელია, როგორც თავად ცხოვრებაში. მიუხედავად ბევრი გულისტკენისა, ქ-ნი ბელა არასოდეს არ გაბოროტებულა და უხვად გვინაწილებს ყველას სითბოს და სიყვარულს! გელოდებით, წინ დიდი სიამოვნება გველოდება!

ქალბატონმა ბელამ მესამე წიგნს სახელწოდებით “ისევ მეძახი”, თავის “მესამე შვილის” დაბადება უწოდა და უძღვნება მამის ხსოვნას. წიგნი შედგება ორი ნაწილისაგან: ლექსები და ჩანახატები და როგორც მანამდე გამოცემული მისი ორი წიგნი, გულგრილს არავის ტოვებს, გულს სითბოთი გვივსებს და ასე “გვეძახის” მკითხველებს ლამაზი შეხვედრის მოლოდინით. თქვენი სახელით, ჩვენს მშვენიერ და სათუთი სულის ქალბატონს ვულოცავ ამ შემოქმედებით ღვაწლს და მჯერა, ახალ წიგნსაც არ მოაკლდება მკითხველის სითბო და სიყვარული.
მეგობრებო, ყველას გიწვევთ დიდი პატივისცემით და სიყვარულით და მერწმუნეთ, ძალიან თბილი და ლამაზი საღამო გველოდება!“

დატოვეთ კომენტარი

კომენტარები

Загрузка...