უხსოვარი წარსულიდან დღემდე შეყვარებულ ადამიანზე ხშირად ამბობენ, მოაჯადოვესო. ავსტრიელი მეცნიერების მოსაზრების თანახმად,  ეს მოსაზრება არც თუ ისე უსაფუძვლოა, როგორც ეს ერთი შეხედვით შეიძლება მოგვეჩვენოს.

ვენის უნივერსიტეტის სპეციალისტების გამოკვლევის თანახმად , ქალის ორგანიზმის მიერ გამოყოფილი ქიმიური ნივთიერება, რომელიც ფერმონების სახელწოდებით არის ცნობილი, განაპირობებს იმ ფაქტს, რომ მამაკაცები ლამაზ ქალებთან შედარებით, უმეტესად ერთი შეხედვით შუხედავ ქალებს ანიჭებენ უპირატესობას.

ავსტრიელმა მეცნიერებმა აღმოაჩინეს, რომ მამაკაცის მიერ ქალის მომხიბლავობის აღქმა მნიშვნელოვნად არის დამოკიდებული იმ ქიმიურ სიგნალებზე, რომლებსაც ქალის ორგანიზმი ასხივებს. ვარაუდობენ, რომ ფერმონები, უსუნო და უფერო ნაერთები, მნიშვნელოვან ქვეცნობიერ გავლენას ახდენენ არა მხოლოდ ადამიანებზე, არამედ ორივე სქესის წარმომადგენელ, ნებისმიერ ცოცხლ ორგანიზმზე.

გამოკვლევის დროს სპეციალისტებმა 66 მამაკაცზე (მათგან მალულად) ქალის ვაგინალური ფერმონების სინთეზური ანალოგებით იმოქმედეს. ზემოქმედების პარალელურად, მათ სხვადასხვა ქალის ფოტოსურათს აჩვენებდნენ და ხმის ჩანაწერს ასმენინებდნენ. შემდგ ფერმონებს უბრალო წყლით ცვლიდნენ და ქალების მომხიბლავობის შესახებ ეკითხებოდნენ.

გამოკვლევის შედეგებმა ცხადყო, რომ ქალები მამაკაცებს იმ შემთხვევაში მიაჩნიათ მომხიბლავად, როდესაც ისინი ფერმონების ზემოქმედების ქვეშ იმყოფებიან. ასევე გაირკვა, რომ ამ დროს იზრდებოდა მამაკაცის ტესტოსტერონის _ მამაკაცის სქესობრივი ჰორმონის _ შემცველობა მათ ნერწყვში. ანალოგიური ზემოქმედებით ხასიათდება ქალებზე მამაკაცთა ორგანიზმის მიერ გამოყოფილი ფერმონები.

პროფესორი გრამერის აზრით, გამოკვლევის ყველაზე პარადოქსულ შედეგს წამოადგენდა ის, რომ ფერმონების წყალობით ლამაზი ქალები ხშირად მარცხდებოდნენ ნაკლებად ლამაზებთან. ამ ფაქტს მკვლევარებმა სქესთა შორის ქიმიურო ომი უწოდეს.

სპეციალისტების აზრით, ჰორმონთა სისტემა მილიონი წლის განმავლობაში ვითარდებოდა და საშუალებას აძლევდა ქალებს წარმატებით გაეწიათ კონკურენცია უფრო ლამაზი ქალებისთვის, სქესობრივი პარტნიორისათვის ბრძოლაში. მეცნიერების აზრით, ფერმონები ხელს უწყობს ბიოლოგიურად უფრო შესაფერისი პარტნიორის მოძებნას.

მეცნიერთა ერთი ჯგუფის აზრით, ფერმონები ამა თუ იმ პიროვნების სქესობრივი მომხიბლავობის მხოლოდ ნაწილს განაპირობებს და მხოლოდ ფიზიკურ მომხიბლავობას განსაზღვრავს, ამასთან ვერ ახდენს გავლენას გონებრივი და სულიერი სილამაზის აღქმაზე.

პროფესორ გრამერის ჯგუფმა ვენის უნივერსიტეტის გამოკვლევის შედეგები ბრიტანეთის ფსიქოლოგიური  საზოგადოების კონფერენციაზე წარადგინა. გამოკვლევაში აგრეთვე გამოთქმულია მოსაზრება, რომლის თანახმადაც ორალური კონტრაცეპტივების მიღების შემთხვევაში ქალები წყვეტენ ფერმონების გამომუშავებას  და მამაკაცთა ქიმიური სიგნალების მიმართ ნაკლებად მგრძნობიარენი ხდებიან.

დატოვეთ კომენტარი

კომენტარები

Загрузка...