„გადაატრიალეს პოლიციის მანქანა, კიდევ მოშორებით 2 მანქანა იწვის“ – მალხაზ ჭკადუა

გიორგი ურუშაძე
ადმინისტრატორი

“საერთაშორისო გამჭირვალობა საქართველოს” ბათუმის ორგანიზაციის წარმომადგენელი “მოამბესთან” პირდაპირ ეთერში ბათუმში არსებულ ვითარებაზე საუბრობს. მისი თქმით, რამდენიმე წამის წინ, მის თვალწინ პოლიციის კიდევ ერთი მანქანა გადაატრიალეს, ხოლო ოდნავ მოშორებით კიდევ ორი მანქანა იწვის.

“ვნახე თუ როგორ გადაატრიალეს, პოლიციის მანქანა. კიდევ მოშორებით იწვის 2 მანქანა, მაგრამ ვერ ვარჩევ, ეს ორი დამწვარი მანქანა სახელმწიფოს კუთვნილებაა თუ ვინმე კერძო პირის”, – განაცხადა მალხაზ ჭკადუამ.

მისი თქმით, ვითარება დაშლისაკენ ნამდვილად არ მიდის და საქმე გვაქვს ხელისუფლების არათანმიმდევრულ ნაბიჯებთან.

“დაშლისკენ ნამდვილად არ მიდის ვითარება. 30 წამის წინ, ჩემს თვალწინ კიდევ ერთი პოლიციის მანქანა გადაატრიალა შეკრებილთა ნაწილმა. სიტუაცია არ არის მშვიდი და არც პირი არ უჩანს დამშვიდების. ხელისუფლების არათანმიმდევრულ ნაბიჯებზე უნდა ვისაუბროთ. თუ ეს ადამიანები არაკანონიერად არიან დაკავებულები, მაშინ პასუხისმგებლობა არის პოლიციის მისამართით. მაგრამ თუ არიან კანონიერად დაკავებულები, რამ აიძულა ხელისუფლება ეთქვა, რომ მათ გაათვისუფლებენ. ხელისუფლებას რომ გამოეჩინა უფრო მეტი თანმიმდევრულობა, ამას თავიდან ავიცილებდით. ეს სურათი არ უნდა მიგვეღო”, – განაცხადა “მოამბესთან” საუბრისას მალხაზ ჭკადუამ.

1tv.ge

დატოვეთ კომენტარი

კომენტარები

Загрузка...