თბილისში, თანსაცმლის ერთ-ერთი მაღაზიის თანამშრომელი ობიექტის გაქურდვის უცნაურ ფაქტთან დაკავშირებით, “ფეისბუქის” საკუთარ გვერდზე წერს.

როგორც სოციალური ქსელის მომხმარებელი აღნიშნავს, ქურდობის ფაქტზე პატრულს დამნაშავე არ დაუკავებია, რადგან ის მცირეწლოვანი ბიჭია, რომელიც ქურდობას თანის შეგროვების მიზნით სჩადის.

“გაგვქურდეს უკვე მეორედ! პირველად ვიღაც ქურთმა ბავშვმა 13 წლამდე, ” შაშუბეშამ” რომელსაც ვერც იჭერენ და ვერც ზარალს ანაზღაურებინებენ, დღეს გაგვქურდა ასევე 13 წლამდე “გოროზიამ”, რომელმაც ძაან მარტივად გააღო დაკეტილი კარი, გააღო ორივე სალარო, მშვიდად გადათვალა ფული, ჩაიდო ჯიბეში, აქსესუარებიც გადაათვალიერა, აირჩია და მშვიდად გავიდა მაღაზიიდან! პატრული მოვიდა, გავხსენით კამერები და უცებ გვესმის “უი ეს ხო გოროზიაა” ძაან წყანარდ! ვერაფერს ვერ უშვებიან, თურმე ასე იპარავს, აგროვებს ფულს და 15 წლის რო გავხდებიო აღარ ვიზამო, ჩემი მიზნისვის მჭირდებაო! პატრულმა თქვა რო თითქმის ყველა საკეტს ტეხავს , რა უნდა გავაკეთოთ ნეტა?! დებილი ქვეყანა, არანაირი გამოსავალი არ არსებობს, როცა უნდა გაგვქურდავენ!”, – წერს ანა ჯაფარიძე.

როგორც კომენტარებიდან ირკვევა, მსგავსი შემთხვევა პირველი არ არის.

“ზუსტად იგივე შეგვემთხვა ვაკეში “შაშუბეშა” ანუ ვაზგენამ გაგვქურდა და კამერეზე რომ ნახეს უი ვაზგენაო სიცილით. მშვიდად შემოვიდა გახსნა სალარო აიღო ფული და წავიდა.. ვერაფერს ვიზავთო და წავიდნენ. დავრჩი გაშტერებული სახით რა უნდა გააკეთო.. შარდენზე შაბათკვირას უნდა ნახო რას “გულაობენ” ეგ და თავისი მეგობრებიო ერთერთმა გამომძიებელმა”, – წერს ბექა კეჟერაშვილი.

წყარო: primetime.ge

დატოვეთ კომენტარი

კომენტარები

Загрузка...