რეჟისორი რობერტ სტურუა სოციალურ ქსელში სტატუსს აქვეყნებს:

ნ ა ც ი ს ტ ე ბ ი ს

ს ა წ ა მ ლ ა ვ ი:

ოციოდე წლის წინ, შეერთებულ შტატებში ვიღაც გაბოროტებული ადამიანი სუპერმარკეტებში, საკვებში შპრიცით ძლიერ შხამს ტუმბავდა. რამდენიმე მოქალაქე იმსხვერპლა მკვლელის ასეთმა”ექსპერიმენტმა”. და წარმოიდგინეთ, მას ბევრი აყვა!.. რას იზამ – ბოროტება გადამდები სენია!

დიდი ხანია ვიძახი, 9 წლის მანძილზე ძლიერნი ამა ქვეყნისა და მათი დამქაშები უფრო საშიში საწამლავით ანადგურებდნენ საქართველოს! ნაძირალები ჩვენი ქვეყნის უბრწყინვალეს ტრადიციებს, სინდისს, ზნეობას ანადგურებდნენ! სიცრუე, ფაქტების გაუკუღმართობა, სიკეთის არდანახვა და აბუჩად აგდება – მას-მედიას ერთადერთი საშვალება აღმოჩნდა თავის გამორჩენის და, რაც მთავარია, სარჩოს შოვნის მოხვეჭა! ყვითელ პრესამ, უამრავმა აუტნელი ტოკ-შოუს ავტორმა, ვითომ დემოკრატულმა”სამგორი 3″-ის( ბოდიში “რუსთავი 2”-ის) პროკურატურის განაჩენებმა, ქართველები იმ აზრამდე მიიყვანეს, რომ ამქვეყნად პატიოსნება, სიყვარული, განათლება, სამშობლოს სიყვარული და რწმენა არავის სჭირდება!

საერთოდ მცირე ერებში არპოპორციულად ბევრი მოღალატე იჩენს ხოლმე თავს და ძალაუფლების ხელში ჩაგდება მათი ერთადერთი საზრუნავია. მაგრამ მე მაინც მჯერა – მიუხედავად იმისა, რომ საქართველოს ისტორიაში ასეთ კატასტროფულ პერიოდს ვერ წააწყდები ( როგორია, ქართველს ქართველი ებრძვის?!) მე მაინც მჯერა, რომ სიკეთე მაინც გაიმარჯვებს! ო, როგორ მინდა მოვესწრო ამ ბედნიერ დღეს!!!”

 

news.ge

დატოვეთ კომენტარი

კომენტარები