ბრიტანელი დეპუტატი, კონსერვატორი ტობიას ელვუდი პოლიციელის გადარჩენს შეეცადა, რომელიც დიდი ბრიტანეთის პარლამენტის შენობასთან ტერორისტმა დაჭრა. სამართალდამცველების გაფრთხილების მიუხედავად, ელვუდმა პარლამენტის შენობა მაინც დატოვა და დანით დაჭრილი პოლიციელისთვის პირველადი დახმარების გაწევას შეეცადა, – წერს BBC.

მედიაში და სოციალურ ქსელში მის საქციელს “გმირობა” უწოდეს. გავრცელებულ ფოტოებში ჩანს, თუ როგორ ცდილობს სისხლისგან დასვრილი დეპუტატი პირიდან პირში ჰაერის ჩაბერვით პოლიციელის შველას, თუმცა ვერც მან და ვერც ექიმებმა დაჭრილი სამართალდამცველი ვერ გადაარჩინეს.

ტობიას ელვუდი ბრტანეთის არმიის ყოფილი ოფიცერია, რომლის ძმაც 2002 წელს ბალიზე მომხდრ ტერაქტს ემსხვერპლა.

წყარო dainteresdit.ge

დატოვეთ კომენტარი

კომენტარები

Загрузка...