ბინა ჩემი დის საკუთრებაა და არ გვქონდა ინფორმაცია, რომ ის სხვა პირებზე იყო გაქირავებული, – ამის შესახებ ჟურნალისტებს პანკისის მცხოვრებმა სერო გაურგაშვილმა განუცხადა, რომელიც თბილისში მიმდინარე სპეცოპერაციას და იმ ბინასთან დაკავშირებულ საკითხს გამოეხმაურა, რომელშიც სავარაუდოდ ტერორიზმში ეჭვმიტანილი პირები ცხოვრობდნენ.

რაც შეეხება იმას, რომ მის დის შვილს, ასევე დუისის მკვიდრ ასლან ჟაბრალოევს, რომელსაც აღნიშნულ ბინასთან დაკავშირებით დუისის პოლიციაში უკვე რამდენიმე საათია კითხავენ, დეიდის თქმით, ჟაბრალოევი დღეს დილით, საკუთარი სახლიდან წაიყვანეს.

„ეს ბინა ჩემი დის საკუთრებაა და სხვა პირებზე გაქირავების შესახებ გავრცელებული ინფორმაცია მედიისგან შევიტყვეთ. ჩემი დის ოჯახი იქ ცხოვრებას გეგმავდა და არა გაქირავებას. როგორ აღმოჩნდნენ ბინაში უცხო პირები, ჩემთვის გაუგებარია“, – განაცხადა სერო გაურგაშვილმა.

დუისის პოლიციაში ასლან ჟაბრალოევის დაკითხვა ამ დრომდე გრძელდება.

დატოვეთ კომენტარი

კომენტარები

Загрузка...