ბიზნესმენი ქიბარ ხალვაში აცხადებს, რომ ტელეკომპანია “რუსთავი 2”-თან დაკავშირებით ისე მოიქცევა, რის საშუალებასაც მას კანონი მისცემს.

ქიბარ ხალვაშმა ადამიანის უფლებათა ევროპული სასამართლოს გადაწყვეტილებაზე ტელეკომპანია “იმედთან” პირველი შეფასება გააკეთა და აღნიშნა, რომ თუ კანონმა სხვა საშუალება არ მისცა, კომპანიაში შესაძლოა სტუმრის სტატუსით იყოს.
“ჩვენ ყოველთვის ვცდილობთ, კანონის ჩარჩოში ვიყოთ. რის საშუალებასაც მოგვცემს კანონი, იმას გავაკეთებთ. დაველოდებით შემდგომ ინსტანციებს. მე არ ვფიქრობ, რომ სტრასბურგის სასამართლო რამე სხვა გადაწყვეტილებას მიიღებს. გადაწყვეტილება მიღებულია და მე გავიმარჯვე – “რუსთავი 2″ მეკუთვნის მე. თუ კანონმა საშუალება არ მომცა, კომპანიაში შეიძლება ვიყო სტუმრის სტატუსით. ძალით ხომ ვერ დავიპყრობ იქაურობას”, – უთხრა “ქრონიკას” ქიბარ ხალვაშმა.
ევროსასამართლომ “რუსთავი 2”-ის საქმეზე უზენაესი სასამართლოს გადაწყვეტილების აღსრულების შეჩერების გადაწყვეტილება უვადოდ გააგრძელა. შეტყობინება სტრასბურგიდან სამაუწყებლო კომპანიის იურისტებმა მიიღეს.
“სტრასბურგის სასამართლოს განმხილველმა პალატამ ერთხმად გააგერძელა 3 მარტს მიღებული შეჩერების ღონისძიება უვადოდ. საქართველოს მთავრობას ეკრძალება, აღასრულოს უზენაესი სასამართლოს განჩინება იმ მომენტამდე, ვიდრე ამის უფლებას ევროპის ადამიანის უფლებათა სასამართლო არ მისცემს”,- განუცხადა “რუსთავი 2”-ს ტელეკომპანიოის გენერალურმა დირექტორმა ნიკა გვარმიამ.
სტრასბურგის ადამიანი უფლებათა სასამართლომ “რუსთავი 2”-თან დაკავშირებით, საქართველოს უზენაესი სასამართლოს გადაწყვეტილების აღსრულება 8 მარტამდე შეაჩერა, ვიდრე სამაუწყებლო კომპანიის სარჩელი არსებითად არ განიხილება.
საქართველოს უზენასმა სასამართლომ “რუსთავი 2”-ის საქმეზე გადაწყვეტილება 2 მარტს მიიღო. უზენაესი სასამართლოს გადაწყვეტილებაში წერია, რომ ლევან ყარამანაშვილის, გიორგი ყარამანაშვილის, შპს ტელეკომპანია საქართველოს, ნინო ნიჟარაძის, შპს “ჰაიდელბერგცემენტ ჯორჯიას” საკასაციო საჩივრები დაკმაყოფილდეს ნაწილობრივ.
შპს სამაუწყებლო კომპანია “რუსთავი 2”-ის 60% წილის მესაკუთრედ ცნობილი იქნებ ქიბარ ხალვაში და 40%-ის წილის მესაკუთრედ ცნობილი იქნეს შპს “პანორამა”. საქართველოს უზენაესი სასამართლოს დიდი პალატის გადაწყვეტილება საბოლოოა და არ საჩივრდება.

 წყარო: pia.ge

დატოვეთ კომენტარი

კომენტარები

Загрузка...