“ბებიათქვენისამ, იგნორი რომ გამოსავალი იყოს…

დიდხანს ვარიდებდი ამ მიშტერება-მოშტერება-გამოშტერებაზე დაწერას თავს, მაგრამ ჭირი თავს არ გვანებებს:) ყველა მხრივ შევიწროებულები და დაშტერებულთა მიშტერების მსხვერპლი ვართ ჩვენ, როგორც ვხვდები. ხმაც აღარ გავიღო, ადამიანო?

გამოდიან მსახიობები, მომღერლები, საზოგადო მოღვაწეები, მილანძღავ-მოლანძღვენ ვიღაცეებს და დააყოლებენ, იგნორი ყველაზე კარგი გამოსავალიაო. უკაცრავად და ბებიათქვენისამ რა…

იგნორი თუ გამოსავალია, აბა, ისე მოდურად პოსტავთ? იგნორისთვის პოსტავთ?

იგნორი გამოსავალი იყო და ილია ჭავჭავაძემ ვერ მიაგნო და მხოლოდ თქვენ იპოვნეთ ეგ გამოსავალი?

ვისაც იგნორი სწყურია, ვისაც შვილებისთვის, თავისი თუ არ ჰყავს, ჩვენი შვილებისთვის ბრძოლა უკეთური ჰგონია – “განდეგილი” გადაიკითხოს. რა შუაშიაო – დაფეთდებიან ახლა – გადაიკითხეთ ჯერ, თუ ვერ მიხვდებით, ისევ გადაიკითხეთ – ასე იკითხეთ, მანამ ვერ მიხვდებით და თუ მაინც ვერ მიხვდებით – კითხვაში მაინც დახარჯავთ დროს და იგნორის ნამდვილ არსს მაინც ისწავლით.

გამოსავალი კი არა – დანაშაულია იგნორი…

მაგრამ ჯერ, გრძნობებზე საუბრის დროა…

მიშტერებაში, ყველა მიშტერება არ გვიგულისხმია სექსუალურ ძალადობად – როცა მზერისას ვგრძნობ, რომ მაშიშვლებენ, როცა სასქესო ორგანოებზე მიყურებენ – ესაა სექსუალური ძალადობაო…

უკაცრავად და მეტად როგორღა უნდა გაგაშიშვლონ?

რასაც თქვენ სასქესო ორგანოებზე საუბრობთ – თვალებში ჩახედვა რომ მოგვინდეს, უნდა გაგიკვირდეთ…

ახლა, რამდენ ადამიანს დააბრალებ, აუ, რომ მიყურებდა მაშიშვლებდაო, ეგ ვითვალოთ? გრძნობებზე ავაგოთ სამართალი? თქვენ გახდა გინდოდეთ, მთლად მზერებს ნუ დააბრალებთ…

იმ თქვენიანს ვინ უყურებდა, ვინ აშტერდებოდა – აი, ეკლესიის ეზოში ბევრჯერ მქონია სექსი, რა პრობლემააო, რომ გაიძახის?

ტაძრის წაბილწვა არ არის დანაშაული და მზერაა დანაშაული?

კიო, მზერა დანაშაულია, მაგრამ ჩვენ გადავწყვეტთ, როგორი მზერაა დანაშაული, ისევე როგორც, ცემის ხარისხს ის გადაწყვეტს, ვინც სცემესო…

დამწვრობის ხარისხი გამიგია და ცემის ხარისხიც თუ არსებობდა, არ ვიცოდი. ანუ, თუ ერთი-ორი წაგითაქეთ, ეგ ცემად არ ითვლება, ხო?

ეო, არაო, ეგ დანაშაულიაო, აი, მე რომ შემოგაფეთოთ ერთი-ორი – ის არ ითვლება ცემად, ნუ აურევთ თქვენო…

ჰოდა, ჩვენ, ტაძარწაბილწულებმა, შევიწროებულებმა, ნაცემებმა – მზერით ნაცემებმა, სიტყვით ნაცემებმა, აზრით ნაცემებმა, გრძნობით ნაცემებმა იგნორს მივმართოთ? კაცია განა ადამიანი?

ბებიათქვენისამ, აი…

იარეთ თქვენ თუ გინდათ თავჩახრილებმა, მზერადახრილებმა, ხმაწართმეულებმა, ხელჩაქნეულებმა და დაგვმოძღვრეთ ჩვენც, დაგვაიმედეთ ჩვენც, რომ თუ თქვენსავით მზერადახრილები, ხმაწართმეულები, ხელჩაქნეულები ვივლით ნაცემი მწევრებივით – გვეშველება…

ბებიათქვენისამ, აი…

მწევარს ერთხელ დაწვავ ცხვირს და მწევრად აღარ ვარგა, ბედაურს ერთხელს სცემ შოლტით და ბედაური აღარ ჰქვია… ერთხელ დავკარგავთ სახეს და ქართველი აღარ გვერქმევა…

ჰოდა, მე დამპალი, ღორი, დასახვრეტი ჰომოფობი ვარ და თქვენ საზოგადო მოღვაწენი…

ბებიათქვენისამ, აი…

სანამ თქვენ კულტურულები, განათლებულები, დიდუბის პანთეონში ადგილის მაძიებელნი სხვის შვილებს ასწავლით იგნორს, თავის დახრას – შარვლის ჩახდის დროს, მზერის დახრას თავზე დაჯმის დროს, ხელის ჩაქნევას ეკლესიის ეზოს გაბახების დროს – მე დამპალი, ღორი, დასახვრეტი ჰომოფობი ჩემს შვილს ქართველ კაცად გავზრდი და მიყურეთ, მიყურეთ და მაიგნორეთ.

ბებიათქვენისამ იგნორი რომ გამოსავალი იყოს, ბებიათქვენისამ…”

წერს ფეისბუქის პირად გვერდზე ჟურნალისტი თამო კეშელავა.

დატოვეთ კომენტარი

კომენტარები

Загрузка...