ბაქო-სუფსის ნავთობსადენის აღმნიშვნელი ბანერი ოკუპანტების მიერ გავლებული ხნულის მიღმა მოხვდა. ამის შესახებ საზოგადოებრივის კორესპონდენტი ადგილიდან იტყობინება.

ე.წ. მესაზღვრეებმა კასპის რაიონის სოფელ ყარაფილასთან ე.წ. საზღვარი ხნულით მონიშნეს. რუსმა სამხედროებმა სამუშაოები ე.წ საზღვრის მანიშნებლებთან გუშინ დაიწყეს.

ხნულია გავლებული ოკუპირებულ სოფელ ორჭოსნიდან სამხრეთის მიმართულებით, სოფელ ყარაფილასთან და მდინარე თორთლას გასწვრივ.

მომხდარს ადასტურებს კასპის მუნიციპალიტეტში სოფელ კოდისწყაროს წარმომადგენელი გია გოჭოშვილი.

 

დატოვეთ კომენტარი

კომენტარები

Загрузка...