სინოპტიკოსები საქართველოში კვლავ ცვალებად ამინდს პროგნოზირებენ. გარემოს ეროვნული სააგენტოს მოკლევადიანი სამმართველოს უფროსის დოდო გვაზავას განმარტებით, უახლოეს დღეებში არამდგრადი ამინდი შენარჩუნდება.

საქართველოს ზოგიერთ რეგიონში მოსალოდნელია წვიმა ელჭექით. რაც შეეხება თბილისს, დღეს დღის მეორე ნახევრიდან გამოიდარებს, მოსალოდნელია დროგამოშვებით ძლიერი ქარი.

10 ივნისს მოსული უხვი ნალექის გამო საქართველოს რამდენიმე რეგიონი დაზარალდა. თბილისის გარდა, უხვი ნალექი აღინიშნა შიდა ქართლისა და სამცხე-ჯავახეთის რეგიონებშიც – ხაშურში, სურამში, ბორჯომის მიმდებარე ტერიტორიაზე, ახალციხესა და ადიგენში. დაიტბორა სარდაფები, საცხოვრებელი სახლების ეზოები, საკარმიდამო ნაკვეთები და სასოფლო-სამეურნეო სავარგულები. დაბა სურამში ადიდდა მდინარე სურამულა.

დატოვეთ კომენტარი

კომენტარები

Загрузка...