თურქეთში ახალშობილ აიდა იორდის მშობლებს ერთ-ერთი კლინიკა გაწეული სამედიცინო მომსახურების საფასურს-134 000 დოლარის გადახდას სთხოვდა.

ფულის გადაუხდელობის შემთხვევაში კი მშობლებს ახალშობილის სახლში წაყვანა აუკრძალეს. ინფორმაციას New York Post-ი ავრცელებს.

აიდას მშობლები თურქეთში დიდი ბრიტანეთიდან დასასვენებლად ჩავიდნენ, რა დროსაც ქალს ნაადრევი მშობიარობა დაეწყო. წყვილი ვარაუდობდა, რომ თურქეთში დაუგეგმავი მშობიარობის თანხებს სადაზღვევო კომპანია გადაიხდიდა. საბოლოოდ, კი ისინი 77 დღეს ელოდნენ, რომ კლინიკას მათთვის შვილი გადმოეცა.

საკითხი მხოლოდ მას შემდეგ გადაწყდა, რაც სადაზღვევო კომპანიამ კლინიკას 5400 დოლარი გადაუხადა.

სრული ვერსიის ნახვა imedinews.ge

დატოვეთ კომენტარი

კომენტარები

Загрузка...