ევროპის ქვეყნები და აშშ-ის რამდენიმე შტატი კიდევ ერთი კომპიუტერული ვირუსის კიბერშეტევის მსხვერპლნი გახდნენ. ვირუსმა Petya-მ ესტონეთის, პოლონეთის, უკრაინის, საფრანგეთის, დანიის, რუსეთისა და პენსილვანიის შტატში კომპიუტერულ სისტემებში შეაღწია და გათიშა. კიბერთავდასხმის ავტორები სისტემის განბლოკვას გამოსასყიდის გადახდის შემდეგაც არ აპირებენ. ინფორმაციას The Guardian ავრცელებს.

ვირუსმა Petya-მ დიდი ზიანი მიაყენა ისეთ ორგანიზაციებს, როგორებიც არიან სარეკლამო გიგანტი WPP, ფრანგული სამშენებლო მასალების მწარმოებელი Saint-Gobain და რუსული ნავთობკომპანიები Evraz და Rosneft.

დავირუსებულ კომპიუტერების ეკრანებზე ჩნდება შეტყობინება, რომლის მიხედვითაც კიბერთავდამსხმელები 300 დოლარის ექვივალენტ ბიტკოინებს მოითხოვენ. ისინი, ვინც ამ გამოსასყიდს ითხოვს, ჰაკერები გადახდის დამადასტურებელი შეტყობინების საფოსტო მისამართზე გაგზავნას სთხოვენ, საფოსტო მისამართები კი იმეილ პროვაიდერების მიერ დახურულია. შესაბამისად, ადამიანები, რომლებსაც გადაწყვეტილი აქვთ თანხის გადახდა, არ შეუძლიათ თავდამსხმელებთან დაკავშირება, რათა მათ კომპიუტერის განბლოკვის კოდი გამოაგზავნონ.

პირველი თავდასხმა უკრაინაზე მოხდა, როდესაც დაიბლოკა სახელმწიფო სტრუქტურების, ბანკების, კიევის აეროპორტისა და მეტროს კომპიუტერული სისტემები, მათ შორის ჩერნობილის ატომური სადგურის კომპიუტერებიც.

ბოლო თვის განმავლობაში ევროპასა და ამერიკულ ორგანიზაციებზე განხორციელებული ეს უკვე მეორე კიბერშეტევაა. 12 მაისიდან ვირუსი Ransomware WannaCrypt/WannaCry ვრცელდებოდა. ჰაკერებმა 150-ზე მეტი ქვეყნის 200 000-მდე ობიექტი დააზიანეს. მნიშვნელოვანი ზიანი მიადგა კომპიუტერულ სისტემებს დიდ ბრიტანეთში, ესპანეთში, იტალიაში, პორტუგალიაში, თურქეთში, უკრაინაში, ყაზახეთში, ინდონეზიაში, იაპონიასა და ფილიპინებზე.

მოგვიანებით BBC წერდა, რომ მსოფლიოს სხვადასხვა ქვეყანაში განხორციელებული გლობალური კიბერშეტევების უკან შესაძლოა ჩრდილოეთ კორეა იდგეს.

14 ივნისს, აშშ-ის ხელისუფლებამ განცხადება გაავრცელა, რომელშიც მოსალოდნელი კიბერთავდასხმის შესახებ იუწყებოდა. ამ ინფორმაციის მიხედვით, ჰარეკური ჯგუფი, რომლის სახელია Hidden Cobra, ჩრდილოეთ კორეის ხელისუფლებასთანაა დაკავშირებული. ამის შესახებ ინფორმაცია აშშ-ს საგანგებო სიტუაციების რეაგირების კომპიუტერულმა ჯგუფმა US-CERT მოიპოვა.

დატოვეთ კომენტარი

კომენტარები

Загрузка...