აჭარის შესახებ მომზადებული ვიდეორგოლები „ბიბისიზე“ და „ევრონიუსზე“ გავა. აჭარის ტურიზმის დეპარტამენტმა რეგიონის ტურისტული პოტენციალის პოპულარიზაციის მიზნით ოთხი ვიდეორგოლი მოამზადა. სამ საერთაშორისო მედიაორგანიზაციასთან კლიპების განთავსების თაობაზე მოლაპარაკებები სრულდება. ტურიზმის დეპარტამენტი მათი განთავსებისთვის 250 მილიონ დოლარს დახარჯავს.

„ევრონიუსზე“ მზადდება 11-კვირიანი კონტრაქტი, რომელიც გულისხმობს კლიპის რამდენჯერმე გაშვებას დღის განმავლობაში, ასევე, სიუჟეტებისა და რეპორტაჟების მომზადებას აჭარის შესახებ. კონტრაქტი მზადდება ასევე „ბიბისისთან“. ასევე საუბარია „ენბისი“-ზე, რომელიც ფარავს არაბულ ქვეყნებს,“-აცხადებს აჭარის ტურიზმის დეპარტამენტის თავმჯდომარე სულხან ღლონტი.

დეპარტამენტი კიდევ ერთი კლიპის გადაღებას გეგმავს, რომელიც, სავარაუდოდ, 2017 წლის ბოლოს გამოვა და ტურისტებს აჭარაში ახალი წლის აღნიშვნას შესთავაზებს.

ჯამში 2017 წელს აჭარის ტურიზმისა და კურორტების დეპარტამენტი 16 სამიზნე ქვეყანაში რეგიონის რეკლამირებისათვის 4, 765, 000 ლარს დახარჯავს.

დატოვეთ კომენტარი

კომენტარები

Загрузка...