ამერიკის შეერთებული შტატების სახელმწიფო დეპარტამენტი სომხეთში მიმდინარე მოვლენებს ეხმიანება და ყველა მხარეს ახალი მთავრობის ფორმირების შესახებ დიალოგისკენ მოუწოდა. ამის შესახებ სახელმწიფო დეპარტამენტის მიერ გავრცელებულ განცხადებაში წერია.

„აშშ- ყურადღებით ადევნებს თვალს სომხეთში მიმდინარე მოვლენებს. როგორც სომხეთის მეგობარი სახელმწიფო, მოვუწოდებთ ყველა მხარეს, ჩაერთონ ახალი მთავრობის ფორმირების პროცესში, ასევე მიაღწიონ ისეთ პოლიტიკურ გადაწყვეტილებას, რომელიც ყველას ინტერესს შეესაბამება. მხარს ვუჭერთ პრეზიდენტის ძალისხმევას, რაც მხარეების დიალოგში ჩართვას ითვალისწინებს“, – ნათქვამია აშშ-ის საგარეო უწყების ოფიციალურ განცხადებაში.

გაირკვა, რომ სომხეთის მმართველი პარტია პრემიერმინისტრის პოსტზე კანდიდატურას არ წარადგენს.

რესპუბლიკური პარტიის ლიდერი სერჟს სარგსიანი, რომელიც 10 წლის განმავლობაში იყო სომხეთის პრეზიდენტი და შემდგო პრემიერმინისტრის პოსტზე წარადგინეს, მასობრივი პროტესტების შემდეგ გადადგა.

ახალი პრემიერმინისტრის პოსტზე პრეტენზია აქციების ლიდერს, პარტია “ელკის” წარმომადგენელ ნიკოლ ფაშინიანს აქვს.

ქვეყანაში პოლიტიკურ კრიზისი მას შემდეგ დაიწყო, რაც პრემიერმინისტრი სერჟ სარგსიანი თანამდებობიდან გადადგა. ამას წინ 11-დღიანი საპროტესტო აქციები უძღოდა, რომელშიც დემონსტრანტები სერჟ სარგსიანის ხელისუფლებიდან წასვლას მოითხოვდნენ. სარგსიანის ნაცვლად პრემიერმინისტრის მოვალეობას დროებით ვიცეპრემიერი კარენ კარაპეტიანი ასრულებს.

დატოვეთ კომენტარი

კომენტარები

Загрузка...