აშშ-ის სენატის იურიდიულმა კომიტეტმა უმსხვილესი სოციალური ქსელის, Facebook-ის დამფუძნებლის, მარკ ცუკერბერგის მოსმენა დაიწყო. ის პირდაპირი ეთერით გადაიცემა. ცუკერბერგს კითხვებს უსვამენ 87 მილიონი მომხმარებლის პირადი მონაცემების გაჟონვას.

Facebook-ის დამფუძნებელმა თავის გამოსვლაში უკვე დადო პირობა, რომ 20 000-ზე მეტ ადამიანს დაასაქმებს და გააკონტროლებს ძალადობრივი ხასიათის პოსტებს. ერთ-ერთმ სენატორმა მის დაპირებაში ეჭვი შეიტანა და განაცხადა, რომ ცუკერბერგი ბოდიშს უკვე 14 წელია იხდის და ახლა ნდობის საფუძველი არ აქვს.

ექსპერტები ვარაუდობენ, რომ ეს ფაქტი არამარტო Facebook-ს დააკარგინებს  მომხმარებლების მნიშვნელოვან რაოდენობას, არამედ სოცქსელების რეგულირების სფეროში წესების გამკაცრებასაც გამოიწვევს.

გუშინ ცუკერბერგმა უკევ მისცა ჩვენება ამერიკის კონგრესს. თავის გამოსვლაში მან ბოდიში მოიხადა. ჩვენებაში დეტალურადაა გადმოცემული არამხოლოდ Cambridge Analytica-სთან დაკავშირებული სკანდალი, არამედ ამერიკულ არჩევნებში შესაძლო რუსულ ჩარევასთან დაკავშირებული ისტორიაც.

ჩვენების მიცემის პროცესი სენატში ორი დღე გაგრძელდება.

Cambridge Analytica აგროვებდა ფეისბუკის მომხმარებლების მონაცემებს იმისათვის, რომ ისინი პოლიტიკურ რეკლამაში გამოეყენებინა. ბოლო მონაცემებით, კომპანიამ ხელში ჩაიგდო ინფორმაცია სოცქსელის 87 მილიონ მომხმარებელზე. მანამდე ცუკერბერგმა სოცქსელში ინფორმაციის გაჟონვასთან დაკავშირებით ბრალი აღიარა; მან მომხმარებლებისთვის ბოდიშის მოხდის მიზნით ბრიტანულ გაზეთებში რეკლამა გამოისყიდა.

2017 წლის შემოდგომაზე, Facebook-მა გამოაქვეყნა ანგარიში იმის შესახებ, რომ გამოავლინა და დაბლოკა „ინტერნეტ-კვლევების სააგენტოს“ (რუსული „ტროლების ფაბრიკა“) ექაუნთები, რომელსაც შეეძლო აშშ-ის საპრეზიდენტო არჩევნებზე გავლენის მოხდენა. სოცქსელის მონაცემებით, „ტროლების ფაბრიკის“ პოსტები ამერიკული პოლიტიკის შესახებ ნახა ფეისბუკის 126-მა მილიონმა მომხმარებელმა.

imedinews

დატოვეთ კომენტარი

კომენტარები

Загрузка...