უკრაინის უსაფრთხოების სამსახურის სასამართლო ექსპერტიზის სამეცნიერო-კვლევითი ინსტიტუტი პროკურატურის მიერ გავრცელებულ აუდიოჩანაწერებში მიხეილ სააკაშვილისა და სერგეი კურჩენკოს ხმების ავთენტურობას ადასტურებს.

გამოცემა „უკრაინსკაია პრავდა“  ინფორმაციით, აღნიშნულის შესახებ უკრაინის გენერალური პროკურორის პრესმდივანმა, ლარისა სარგანმა განაცხადა.

როგორც ლარისა სარგანმა განაცხადა, მიხეილ სააკაშვილის, სერგეი კურჩენკოსა და სევერიონ დანგაძის საქმეებთან დაკავშირებით, მოწმის სახით დაკითხულია 15-მდე ადამიანი. ისინი ამჟამად სახელმწიფოს დაცვის ქვეშ იმყოფებიან.

უკრაინის გენერალურმა პროკურატურამ აუდიოჩანაწერები 5 დეკემბერს გამოაქვეყნა. გამოძიების მტკიცებით, აღნიშნული მასალები ადასტურებს, რომ მიხეილ სააკაშვილის აქციები რუსეთში გაქცეული ბიზნესმენისგან, სერგეი კურჩენკოსგან ფინანსდებოდა.

sazogadoeba.ge

დატოვეთ კომენტარი

კომენტარები

Загрузка...