როგორია ცხოვრება „სამი w-ს“ გარეშე
ალბათ,ხშირად დაგვიწყებიათ ახლობლების დაბადების დღე,მხოლოდ იმიტომ, რომ იმ დღეს სოციალურ ქსელში არ შესულხართ.რამდენჯერ მორიდებიხართ ოჯახის წევრებთან ურთიერთობას, მხოლოდ იმის გამო, რომ ფეისბუქზე საკუთარი  ფოტოს ლაიქების დასათვალიერებლად მიიჩქაროდით? იცით რას ნიშნავს „ტექნიკური გაუცხოება?“ -ეს ადამიანებს შორის ადამიანური კომუნიკაციის გადაგვარების ძირითადი მიზეზია. ესაა ადამიანის თვითგაუცხოება ,რომელიც წარმოიშობა მისი ტქენიკური საქმიანობის შედეგად. ინტერნეტი არის მსოფლიო ქსელი, საიდანაც შეგვიძლია ყველა ინფორმაციის მიღება, რაც გვაინტერესებს. დღეს ის ჩვენი ცხოვრების განუყოფელი თანამგზავრია , რომლის გარეშეც 21 საუკუნეში ცხოვრება,მართლაც,შეუძლებელია. მსოფლიოს მოსახლეობა დღეს 7.3 მილიარდია , 2015 წლის მონაცემებით 2,3 მილიარდი იყენებს სოციალურ ქსელს.2016 წელს,ახალი ამბების სააგენტო -„sputnik”-ის მიერ ჩატარებული კვლევებით მკითხველთა 35%-ზე მეტს ყოველდღიურობა ინტერნეტის გარეშე ვერ წარმოუდგენია. ტერმინმა „სოციალურმა ქსელმა“ სოციოლოგიიდან ინტერნეტში გადაინაცვლა. ასეთი საიტები წარმოადგენენ სოციალურ გარემოს, რომელიც საერთო ინტერესების მქონე ადამიანებს ერთმანეთთან აკავშირებს და ერთიმეორეში ინფორმაციის გაცვლის საშუალებას აძლევს. ამჟამად განსაკუთრებით გავრცელებული და პოპულარული ქსელია Facebook, რომლის შემქმნელია ებრაელი მარკ ცუკერბერგი. Facebook Messenger-ით დღეში 60 მილიარდი მესიჯი იგზავნება. Facebook-ს ყოველდღიურად 500 000 ახალი მომხმარებელი ჰყავს, რაც წუთში 6 ახალ Users ანუ მომხმარებელს გულისხმობს, აქედან 72% მოზარდია.
საყურადღებოა,რომ დღეს :
• ყოველ ერთ საათში Facebook-ზე 4,5 მილიონი ადამიანი ღებულობს მიწვევას რომელიმე ღონისძიებაზე.
• ყოველ წუთში 100 000 ადამიანი მეგობრდება facebook-ზე.
• ყოველ წამს 8 მილიონი ადამიანი ხდება რომელიმე სოციალური ქსელის წევრი. რეალურ ცხოვრებაზე ნამდვილად დიდი გავლენა აქვს სოციალურ ქსელს,ზოგიერთ მომხმარებელს მთლიანად ეცვლება ხასიათი და ისეთი ხდება ,როგორიც სინამდვილეში არ არის და მხოლოდ ვირტუალურ სამყაროში ირგებს ნიღბებს. ყოფილა შემთხვევები, როდესაც მანამდე ყველასთვის შუმჩნეველი და ჩუმი,არაფრით გამორჩეული მოზარდი,თანატოლებს შორის პოპულარული გამხადარა სოციალურ ქსელში,აქტიური ჩაცმულობის გამო, სხვადასხვა დისკუსიასა თუ ფორუმზე გამოთქმული მოსაზრებებიდან გამომდინარე. ასეთი მოზარდები ,როდესაც მოშორდებიან ინტერნეტთან წვდომას მაშინ უჩნდებათ ემოციათა მთელი სპექტრი – დაწყებული ინტერნეტში შესვლის დიდი სურვილით,დამთავრებული სერიოზული დეპრესიით,ეს კი სწორედ დამოკიდებულების სიმპტომებია- შიში, განწყობის ცვლილება-ეს ფსიქოლოგიური დაავადებებია.არანაკლებ სახიფათოა მოზარდების მიერ სექსუალური ქცევისაკენ მიმართული წინადადებებისა და მოწოდებების კითხვა, რაც უარყოფით ზეგავლენას ახდენს მოზარდთა ფსიქიკაზე. ამ ყველაფერთან ერთად საყურადღებოა სხვა მხრივ რა პრობლემებს იწვევს მთელი დღის გატარება ინტერნეტთან,პირველ რიგში მხედველობის დაქვეითება-ამ დროს ხდება ტვინის მნიშვნელოვანი არეების შემცირება და თეთრი ნივთიერების (რაც ერთგვარ გამტარს წარმოქმნის ტვინში) შევიწროება.რაც არ უნდა გასაკვირი იყოს სოციალურ ქსელის ხშირი გამოყენება იწვევს ვერბალურ მეტყველებაში ბარბარიზმების გამოყენებას ,მაგალითად: ადრე თუ ჩვენ დავმეგობრდით,დღეს მე შენ “დაგა-follow-ე” ,თუ მომეწონე “დაგი-like-ებ”,შენთან ერთ სადაც ვიქნები დაგთაგავ და კი არ გაგიზიარებ გაგი-SHARE-ებ და თუ ყურადღება არ მოგაქციე დაგ-“SEEN-ე”.
აუცილებლად გასათვალისწინებელია სოციალურ ქსელზე საუბრისას სხვის სახელსა და გვარას ამოფარებული პირები,რომლებიც პირდაპირ არღვევენ სამოქალაქო კოდექსის 18 მუხლის 1-სა და 5 პუნქტებს,რომელიც ეხება სახელისა და გამოსახულების ხელშეუხლებლობას. ყველა ეს ფაქტორი იწვევს ადამიანის სიზარმაცესა და ზანტობას,რაც ამადროულად იწვევს წონაში მატებას, მოგვარება ზემოთ ხსენებული პრობლემების შესაძლებელია ცნობიერების ამაღლებით. ვირტუალურ ურთიერთობებზე მეტად უპირატესობა უდა მიენიჭოს პირისპირ, ცოცხალ ურთიერთობებს. თუ ვაცნობიერებთ , რომ ვხდებით ინტერნეტ მიჯაჭვული შევეცადოთ საკუთარ თავს მისი გამოყენების შეზღუდვები დავუწესოთ. უნდა ვეცადოთ შევამციროთ ინტერნეტ სივრცის როლი ჩვენს ყოველდღიურ ცხოვრებაში.ვიზრუნოთ მეტი, ვიკითხოთ და ვიურთიერთოთ. თუმცა, ადამიანური კონტაქტისთვის სულაც არ არის საჭირო ტექნოლოგიებზე უარის თქმა და ,,ლამფის” , ,,კერასინკისა” და ,,სიგუას ნამცხვრის” ეპოქაში დაბრუნება.
ავტორი: თაკო კვარაცხელია

 

დატოვეთ კომენტარი

კომენტარები

Загрузка...