ამერიკულმა ტელეკომპანია CNN-მა ექსკლუზიური მასალა გამოაქვეყნა, რომლის თანახმადაც, ლიბიაში, არალეგალ მიგრანტებს აუქციონზე მონებად ყიდიან. მათი საშუალო ფასი კი 400 დოლარია.

ჟურნალისტური გამოძიება, ტრიპოლის მახლობლად ჩატარდა, თუმცა გამოცემა ზუსტ ადგილმდებარეობას არ ასახელებს.

CNN-ი აუქციონის მიმდინარეობისას გადაღებულ კადრებს ავრცელებს, რომლებზეც ასახულია, რომ რამდენიმე ადამიანი გაყიდეს.

გამოცემის ცნობით, გასაყიდი ადამიანები კატეგორიებად ჰყავთ დაყოფილი. მაგ, „ ძლიერი ბიჭები ფერმაში სამუშაოდ,“ მყიდველები კი ხელს წევენ, ისევე როგროც ეს ნივთების აუქციონზე ხდება. 500, 550, 600…. და მამაკაცები, მყიდველების ხელში გადადიან.

ევროპაში მისაწევად, ყოველწლიურად ათი ათასობით მიგრანტი კვეთს ლიბიის საზღვარს. თუმცა ბოლო პერიოდში ხმელთაშუა ზღვაში პატრულირება გააქტიურა ლიბიისა და იტალიის სანაპირო დაცვის ერთობლივმა ჯგუფმა, რის გამოც ბევრი მიგრანტი ლიბიაში ჩარჩა. CNN-ის ცნობით, სწორედ ეს მიგრანტები იყიდებიან აუქციონზე.

გამოცემის ცნებით, ჟურნალისტური გამოძიების შედეგად მოპოვებული მასალა ლიბიის ხელისუფებას გადაეცა, რომელმაც აღნიშნულის გამოძიების პირობა დადო.

დატოვეთ კომენტარი

კომენტარები

Загрузка...