ტორონტოში Invictus Games-ი დასრულდა.

დახურვის ცერემონიალზე, თამაშების დამაარსებელმა, პრინცმა ჰარიმ სმხედროებს მადლობა გადაუხადა და სამხედროების რეაბილიტაციის პროცესში სპორტის როლზე ისაუბრა. პრინცმა თამაშის მონაწილეებს, მათი კოლეგებისთვის გამოცდილების გაზიარებისა და დახმარებისკენ მოუწოდა.

აღსანიშნავია, რომ თავის სიტყვაში პრინცმა ქართველ სამხედროებზეც ისაუბრა.

„ერთი კვირის წინ გითხარით, რომ კარგად მომზადებულიყავით. თუმცა, თავადაც ვერ წარმოვიდგენდი იმ მასშტაბს, რისი მოწმენიც თამაშებზე გავხდით. მე გაგაფრთხილეთ, მზად ყოფილიყავით კონკურენციისთვის. თუმცა არავინ ელოდა, რომ ქართველების გუნდი, რომელსაც ორი-სამი წლის წინ მჯდომარე ფრენბურთში თამაშის გამოცდილებაც კი არ ჰქონდა, ოქროს მედალს მოიპოვებდა“ – აღნიშნა პრინცმა ჰარიმ.

მის სიტყვებს დარბაზში ოვაციები და აპლოდისმენტები მოჰყვა.

Invictus Games- სხვადასხვა საბრძოლო მოქმედებების დროს და სამშვიდობო მისიებში დაჭრილი და დაშავებული სამხედრო მოსამსახურეების ერთგვარი ოლიმპიადაა, რომელიც პრინცი ჰარის მიერ არის დაარსებული.

ქართველმა სამხედროებმა მჯდომარე ფრენბურთში პირველი ადგილი მოიპოვეს, ოქროს მედლებიც მიიღეს და პრინც ჰარისთან ერთად “საქართველოს გაუმარჯოს!” შესძახეს.

დატოვეთ კომენტარი

კომენტარები

Загрузка...