,,ხალხის პარტიის” წევრმა ანა კეკენაძემ საზოგადოებრივი მაუწყებლის პრესცენტრში გამართულ ბრიფინგზე უცხოელ ინვესტორებზე ქართული მიწის დაკანონების კანონთან დაკავშირებით ისაუბრა.

ანა კეკენაძის თქმით, ხელისუფლების მხრიდან იმ თემაზე საუბარი, რომ უცხოელი ინვესტორები მიწის დაკანონების შემთხვევაში დაასაქმებენ საქართველოს მოქალაქეებს არის სიცრუე და დღევანელი რეალობა საწინააღმდეგოს ამტკიცებს.

,,უცხოელებზე მიწის მიყიდვის საკითხი კვლავ ყველაზე აქტუალურ და მტკივნეულ საკითხად რჩება. უამრავი განხილვებისა და წინაღობების მიუხედავად, ხელისუფლებამ დაიტოვა უფლება, შეზღუდვების გვერდის ავლით კონკრეტული საინვესტიციო პროექტების მქონე უცხოელ ფიზიკურ და იურიდიულ პირებს მიყიდოს სასოფლო-სამეურნეო მიწა. რაც შეეხებათ ფიზიკურ პირებს, სასოფლო-სამეურნეო მიწის საკუთრების უფლება აქვს საქართველოს მოქალაქესთან ქორწინებაში მყოფ უცხოელს ან უცხო ქვეყნის იმ მოქალაქეს, რომელსაც გააჩნია საქართველოში მუდმივი ცხოვრების ან საინვესტიციო ბინადრობის ნებართვა და ამავდროულად, საქართველოს ტერიტორიაზე აგრარულ სექტორში 5 წელი მაინც საქმიანობს ან ამავე ვადით ფლობს სასოფლო-სამეურნეო დანიშნულების მიწის ნაკვეთს საქართველოში.

როგორც საზოგადოების დიდი ნაწილი, ჩვენ, “ხალხის პარტიის” წევრებიც ვეწინააღამდეგებით ქართული მიწების უცხოელებზე დაკანონებას და გასხვისებას, ქვეყანას, რომელსაც ამდენი სოციალურად დაუცველი და გაჭირვებული მოსახლეობა ჰყავს, მოსავლიან მიწებს სხვებზე არ უნდა ასხვისებდეს. საკუთარ მოქალაქეებს დაუკანონეთ და მიეცით საშუალება, ამ მიწებით მიიღონ მოსავალი და არჩინონ ოჯახები. გვახსოვს “ქართული ოცნების” ხელისუფლებაში მოსვლის დროს იუსტიციის მინისტრმა განაცხა, რომ სასოფლო სამეურნეო მიწები უცხოელებზე გასხვისდებოდა მხოლოდ იმ შემთხვევაში თუ ისინი მსხვილ ინვესტიციას განახორციელებდნენ ქვეყანაში, თუმცა ინვესტიციების მოზიდვის ნაწილში სახელმწიფოს ინტერესები მინიმუმამდე არის დაყვანილი და სინამდვილეში მხოლოდ ინვესტორების ინტერესებს ემსახურებიან.

მიწის გასხვისებასთან დაკავშირებით არაერთხელ ისაუბრა კათოლიკოს პატრიარქმა ილია მეორემაც, ეს არის ის უმთავრესი ღირებულება, რომლის გაყიდვაც არ შეიძლება. ეს ფრაზა ეკუთვნის მის უწმინდესობას სრულიად საქართველოს კათალიკოს პატრიარქს. თუმცა დღეს ჩენი ხელისუფლება არც პატრიარქს უსმენს და არც საკუთარი მოსახლეობის აზრს ითვალისწინებს. ჩვენ გვახსოვს შარშან ზვარეში მომხდარი ფაქტი, როცა რკინიგზის ლიანდაგის მშენებლობაზე დასაქმებული რამდენიმე ქართველი მუშა ჩინური კომპანიის წარმომადგენლებმა სცემეს, რის გამოც დაზარალებულები სხვადასხვა კლინიკებში გადიოდნენ მკურნალობას. შესაბამისად, ხელისუფლების მხრიდან იმ თემაზე საუბარი, რომ უცხოელი ინვესტორები დაასაქმებენ საქართველოს მოქალაქეებს არის სიცრუე და დღევანელი რეალობა საწინააღმდეგოს ამტკიცებს.

ჩვენ, “ხალხის პარტია” ვეწინააღმდეგებით საკუთარი მიწაწყლის ვინმეზე დაკანონებას, მით უფრო უცხოელებზე. თუკი ვინმეს სურს ჩვენი მიწების დამუშავება, შევიმუშაოთ ისეთი გეგმა, რომელიც ჩვენს ქვეყანას და მოსახლეობას გამოადგება. უცხოელებს მივცეთ სასოფლო სამეურნეო მიწით სარგებლობის უფლება თუნდაც 50 წლით და არა საკუთრების უფლება,”- განაცხადა “ხალხის პარტიია” წევრმა ანა კეკენაძემ.

 

დატოვეთ კომენტარი

კომენტარები

Загрузка...