ფოტოგრაფი გოგა ჩანადირი ბათუმში, სასტუმრო “ლეოგრანდში” გაჩენილ ხანძარს სოციალურ ქსელში ეხმაურება.

“ძალიან ვწუხვარ ბათუმის სასტუმრო “ლეოგრანდში” დატრიალებული ტრაგედიის გამო. ხანძარს 11 ადამიანი შეეწირა. ვუსამძიმრებ ოჯახებს. წარმოდგენა არ მაქვს, შეცდომებზე მაინც რატომ არ ვსწავლობთ.
ქობულეთის სასტუმროს მსხვერპლით დასრულებული ხანძრის შემდეგ რატომ არ შევამოწმეთ ყველა სასტუმრო სახანძრო უსაფრთხოებაზე? ასე ბრiყვულად რატომ მივეცით უფლება “ლეოგრანდს”, ემუშავა?
ვფიქრობ, დღესვე უნდა დაიწყოს ყველა სასტუმროს და სხვა მომსახურების დაწესებულებების (და არამარტო მათი) შემოწმება და ყველგან მოწესრიგდეს უსაფრთხოების ნორმები. თუ სტანდარტი არ არსებობს, სასწრაფოდ დადგინდეს. ამ ტრაგედიაზე ვინ იღებს პასუხისმგებლობას? მხოლოდ სასტუმროს მეპატრონე? არც ეს იქნება სამართლიანი. ვწუხვარ ორმაგად, შეცდომების გამეორებისა და დაღუპულთა გამო,” – წერს გოგა ჩანადირი.

წყარო: digest.ge

დატოვეთ კომენტარი

კომენტარები

Загрузка...