„ამ დღეებში გაირკვევა ისიც, თუ ვინ იქნება ის ბედნიერი დეპუტატი, რომელიც ჩვენს ფრაქციას შეავსებს. შეავსებს – შეავსებს, არ შეავსებს – ნუ, ესეც პოლიტიკური ცხოვრებაა,“- ეს განცხადება „პატრიოტთა ალიანსის“ წევრმა, ადა მარშანიამ ფრაქციიდან ნატო ჩხეიძის წასვლის შემდეგ გააკეთა.
 
დეპუტატის თქმით, ფრაქციაში გაწევრიანება საპარლამენტო უმრავლესობის წევრს, გედევან ფოფხაძეს შესთავაზეს. ჯერჯერობით უცნობია, დარჩება თუ არა „პატრიოტთა ალიანსი“ პარლამენტში ფრაქციის გარეშე.
 
„შევთავაზეთ ბატონ გედევან ფოფხაძეს, არ არის გამორიცხული, რომ გავიმეორებთ ჩვენს მოწვევას ფრაქციაში. მემგონი, ბატონ გედევანს თუ ბრძოლა უნდა, არ ინანებს,“- განაცხადა ადა მარშანიამ.
 
ტელეკომპანია „იბერიის“ დამფუძნებლის მიერ პარტიას დატოვების მიზეზის დაკონკრეტებაზე ადა მარშანიამ თავი შეიკავა.
 
„მინდა, პირადად გავესაუბრო. ეს არ არის ჩემთვის სამართლიანი მიზეზი და მას არ ვეთანხმები. ჯერ ვერ გავაჟღერებ,“- განაცხადა ადა მარშანიამ.
წყარო: presa.ge

დატოვეთ კომენტარი

კომენტარები

Загрузка...