ამერიკული ესკადრა, რომლის შემადგენლობაში ატომური ავიამზიდი შედიოდა და რომელიც ჩრდილოეთ კორეის სანაპიროს უახლოვდებოდა, მოულოდნელად სხვა მხარეს წავიდა. ამის შესახებ  “ბი ბი სი“ იუწყება.
გასულ კვირას აშშ-ის პრეზიდენტმა, დონალდ ტრამპმა განაცხადა, რომ ის ჩრდილოეთ კორეისკენ საბრძოლო გემებს აგზავნის.
ახლა კი წყნარი ოკეანის ფლოტის მეთაურობამ განაცხადა, რომ ავიამზიდი “კარლ ვილსონი“ და ესკადრის სხვა ხომალდები ჯერ ავსტრალიელ სამხედროებთან წვრთნებში მიიღებენ მონაწილეობას. ჯერჯერობით უცნობია, თუ რით არის გამოწვეული გეგმების შეცვლა.
ჩრდილოეთ კორეამ და აშშ-მ ბოლო დღეებში მწვავე განცხადებები გააკეთეს, კერძოდ, ფხენიანმა განაცხადა, რომ აშშ-ის მხრიდან ბირთვულ შეტევაზე  ბირთვული შეტევითვე უპასუხებს. ტრამპმა კი ჩრდილოეთ კორეის პრობლემის გადაჭრის პირობა დადო.

 

დატოვეთ კომენტარი

კომენტარები

Загрузка...